धनुषाको सबैला नगरपालिका-४ र सिरहाको कल्याणपुर नगरपालिका- ५ जोड्ने पक्की पुलको शिलान्यास गरिएको छ ।प्रधानमन्त्री पुष्पकमल दाहाल प्रचण्डले शनिबार सिरहा र धनुषा जोड्ने नेपालकै लामो झोलुंगे पुलको उद्घाटन संगै पक्की पुलको पनि शिलान्यास गरेको हो ।
६०० मिटर लामो पुल निर्माणको लागि एक अर्ब ११ करोड लागतमा एलाइट कन्स्ट्रक्सन कम्पनीले पाएको छ । चालु आव मा ६० लाख रुपैयाँ पाएको यो पुल ३ वर्ष ६ महिनाभित्र निर्माण सक्ने लक्ष्य छ ।
पक्की पुल शिलान्यास गर्दै प्रधानमन्त्री प्रचण्डले पुल बनेपछि सिरहा र धनुषाको पूर्वी भेगका जनताले ठूलो राहत पाउने बताए । चालु आव मा कम बजेट भएता पनि आगामी आर्थिक वर्षमा पर्याप्त बजेट छुट्याउने उनले बताए ।
