काठमाडौंको सीतापाइलामा आफ्नै परिवारका ३ जनाको हत्या गरेर राजु घिमिरेले भिडिओ विदेशमा रहेका छोरा र सालोलाई घटनाको बीभत्स भिडिओ पठाएर जानकारी दिएका छन ।
सोलुखुम्बुको दुधकुण्ड नगरपालिका–१० घर भई नागार्जुन नगरपालिका–६ भैरवटोलस्थित बद्री चापागाईँको घरमा डेरामा बस्दै आएका राजुले बुधबार बिहान ७ बजे परिवारको हत्या गरेका थिए ।
घन, रड, चक्कू प्रहार गरी श्रीमती ३८ वर्षीया ईश्वरी श्रेष्ठ, छोरी ८ वर्षकी अनिशा श्रेष्ठ र साढे २ वर्षकी नातिनी सिवानी श्रेष्ठको हत्या गरेका थिए । लगतै उनले विदेशमा रहेका २१ वर्षिय छोरा मृतक शिवानीको बुबालाई भिडिओ पठाएका थिए ।
उनले सालोलाई खाटमा एकै ठाउँमा लहरै सुतेकै अवस्थामा उनले हत्या गरेका भिडिओ पठाएको प्रहरीले जनाएको छ ।
ईश्वरीको श्रीमान् राजु पनि आधाघन्टा माथि रहेको जङ्गलमा आत्महत्या गरेका छन् । उनले आफूले हत्या गरेर आत्महत्या गरेको प्रारम्भिक अनुसन्धानमा खुलेको प्रहरीले जनाएको छ ।
