पोखरा
आागामी फागुन १४ देखि १९ सम्म जनकपुरमा हुने प्रथम राष्ट्रिय महिला हक्की प्रतियोगितामा सहभागी हुने गण्डकी प्रदेशको टोलीलाई जर्सी प्रदान गरिएको छ । हक्कीका पुर्व खेलाडी विश्वमान गुरुङ्ले खेलाडीलाई जर्सी प्रदान गरेको नेपाल हक्की संघ गण्डकी प्रदेशका अध्यक्ष दीपक थापाले बताए । गुरुङ्ले पोखरामा अभ्यासरत १६ जना खेलाडीलाई जर्सी प्रदान गरेका हुन् ।

मदन भण्डारी स्पोर्ट्स एकडेमीको आयोजनामा प्रथम राष्ट्रिय महिला हक्की प्रतियोगिता जनकपुरमा हुने प्रतियोगितामा गण्डकी प्रदेश सहित देशका विभिन्न टिमले भाग लिने जनाईएको छ । य
जर्सी प्रदान गर्दै गुरुङले खेलाडिलाई उच्च मनोवलका साथ खेल खेल्न सुझाव दिए । प्रदेश र जिल्ला हक्कि संघको तर्फबाट धन्यवाद दिँदै हक्कि खेलाडिलाई अझै हैसाला थपिएको अध्यक्ष थापाले बताए

मधेश प्रदेशको जनकपुरमा फागुन १४ देखि १९ सम्म प्रतियोगिता हुने प्रतियोगितामा सहभागी हुन गण्डकी प्रदेशको प्रतिनिधित्व गर्दै १८ जनाको टोली जनकपुर जाने भएको छ ।

टोलीमा १६ जना खेलाडी एक जना प्रशिक्षक र एक जना व्यवस्थापक रहनेछन् । जसका लागि टोलीले तयारी जारी राखेको थापाको भनाई छ ।