धर्नध्वज भण्डारीले शिक्षिका देवकी विश्वकर्मासँग विवाह गरेको भन्दै पुरेत शनिबारसम्म श्राद्ध गर्न नआएपछि उक्त परिवारले माघ ११ गते परेको आफ्नो पितृको श्राद्ध गर्न नपाएको घटनामा माघ २१ गते मिलापत्र भएको छ ।
जातीय विभेद झल्कने गरी ब्राम्हाण नआएकै कारण तिथि रोकिएको आरोप लगाउँदै धर्मध्वज भण्डारीले माघ १४ गते जिल्ला प्रहरी कार्यालयमा उजुरी दिनुभएको थियो ।
श्राद्धका लागि पूर्णिमाको दिन माघ ११ गते दिनभर भोकै उहाँहरूले ब्राम्हणलाई कुर्नुभएको थियो । दलित महिलासँग विवाह गरेकै कारण तिथिमा परेको श्राद्ध गर्न नगएको भन्ने विषयमा ब्राम्हण माधव न्यौपानेले अनविज्ञता प्रकट गर्नुभएको थियो । आफू काठमाडौँमा बस्ने भएकाले त्यता जान नभ्याएर यतै आएमा श्राद्ध गरिदिन्छु भनेको उल्लेख गर्नुभएको थियो । दलितसँग विवाह गरेको भन्ने कुरा उहाँलाई थाहा नभएन उहाँले उल्लेख गर्नुभएको थियो ।
समाचर प्रकाशन भएपछि पीडित धर्मध्वज भण्डारीले जिल्ला प्रहरी कार्यालयमा उजुरी दिनुभएको थियो । सोही उजुरीको आधारमा प्रहरीले दुवै पक्षलाई बोलाएर माघ २१ गते मिलापत्र गराएको हो ।
- ब्राम्हण माधव न्यौपानेले अब आइन्दा जातीय विभेद नगर्ने र रोकिएको श्राद्ध समेत गर्दिने भन्दै पीडित धर्मध्वज भण्डारीको परिवारसँग मिलापत्र गरेको जिल्ला प्रहरी कार्यालयका डिएसपी राजकुमार श्रेष्ठले जानकारी दिनुभयो ।
