पोखरा महानगरपालिकाको १९ नम्बर वडा कार्यालयले सोमबार एक सूचना जारी गर्दै १० दिन भित्र मेरो रुख म काट्छु भन्ने अभियान सञ्चालन गरी आ-आफ्नो घर वरपर रहेका सम्पूर्ण रुखहरू काट्न भनेको हो ।
पोखरा महानगरपालिका साविक लामाचौर पुरुन्चौर क्षेत्र बाँदरबाट अति प्रभावित क्षेत्र भएको र हाल प्रदेश सरकारले आर्थिक वर्ष २०८०/०८१ को नीति तथा कार्यक्रममा समेत बाँदर नियन्त्रण सम्बन्धी नीति पास गरेको जनाउँदै वडा अध्यक्ष पुष्पेन्द्र पाण्डेले प्रदेश सरकारको नीति तथा कार्यक्रम र बाँदर नियन्त्रणमा सहयोग पुर्याउन भन्दै सूचना जारी गरेका हुन् ।
