बिर्तामोड नगरपालिका -७ राधाकृष्ण टोलमा रहेको बेल्स मोडल इङ्लिस बोर्डिङ स्कुलको खेलकुद कार्यक्रमका लागि बेलुन फुलाउने क्रममा हाइड्रोजन ग्यासको सिलिन्डर पड्किँदा ५४ वर्षका भारतीय नागरिक गणेश सहनी घाइते भएका हुन् ।

ग्यास पड्किँदा सहनीको दाहिने खुट्टाको कम्मर मुनिको भाग चुँडिएको र उनलाई उपचारार्थ बीएन्डसी अस्पताल भर्ना गरिएको प्रहरीले जनाएको छ। सिलिन्डर पड्किँदा निस्किएको आवाजले सोही विद्यालयमा कक्षा ९ मा अध्यनरत बिर्तामोड-७ बस्ने १५ वर्षीया कुसुम तामाङको कानमा समस्या भइ उपचारको लागि अस्पताल भर्ना गरिएको छ।