पोखरा
बाजुङ्ग पोखरा सम्पर्क समाजको अध्यक्षमा सागर पौडेल निर्वाचित हुनुभएको छ । पोखरामा आयोजित समाजको छैटौं साधारण सभा तथा तेस्रो अधिवेशनबाट पौडेल अध्यक्षमा निर्वाचित हुनुभएको हो । दुई वर्षे कार्यकालको लागि पौडेल तेस्रो अध्यक्ष हुनुभएको हो ।
निर्वाचित अध्यक्ष मिलन ग्रुप अफ नेपालको महासचिव, मिलन फाउन्डेसन नेपालको सदस्य र मिलन स्काउट क्र्युको वरिष्ठ प्रशिक्षक हुनुहुन्छ भने लामो समयदेखि स्काउट र शिक्षण पेशामा कार्यरत हुनुहुन्छ । त्यस्तै उपाध्यक्षमा पदम कुमारी सेन र तिलक पौडेल ,सचिवमा सन्त बहादुर छेत्री ,कोषाध्यक्ष मिना मल्ल सह सचिवमा गोबिन्द शर्मालाई चयन गरिएको छ । सदस्यहरुमा ठाकुर शाही, तारा कुवर, कपिल चपाई रहनुभएको छ ।
प्रमुख अतिथि मिलन ग्रुप अफ नेपालका संरक्षक तथा बाजुङ पोखरा सम्पर्क समाजका सल्लाहकार सावित्री गुरुङले आफ्नै श्रीमान स्वर्गीय नर बहादुर गुरुङको तस्बिरमा दीप प्रज्वलन गरि कार्यक्रमको उद्घाटन गर्नुभएको थियो । सो अवसरमा गुरुङले आफ्नो श्रीमान यो समाजको परिकल्पनाकारको रूपमा रहि समाजको उत्थान र प्रवर्द्धनको लागि आफ्नो जीवन रहुन्जेल खटेर लाग्नुभएको बताउनुभयो । उहाँको योगदान र स्वच्छ मनले गरेको उदाहरणीय कार्यहरुको स्मरण गर्नुभयो । साथै बुवाकै प्रेरणाले गर्दा अहिले छोरा दुर्गा गुरुङ “मिलन” ले देशको ६८ वटा जिल्लामा विभिन्न सहयोग प्रदान गर्दै आउनुभएको छ । हाल हङकङ निवासी दुर्गा गुरुङ “मिलन” ले मिलन ग्रुप अफ नेपाल अन्तर्गत १८ वटा संस्था मार्फत शिक्षा, स्वास्थ, सञ्चार, खेलकुद र कृषि क्षेत्रमा सहयोग गरिरहनु भएको छ । दुर्गा गुरुङ “मिलन यस समाजको संस्थापक सदस्य समेत हुनुहुन्छ । हाल उहाँ यो समाजको विशेष सहयोगीको रूपमा रहनुभएको छ ।
विरेन्द्र एसिको अध्यक्षतामा भएको कार्यक्रममा स्वागत उपाध्यक्ष पदम कुमारी सेनले र संचालन सचिव सागर पौडेलले गर्नुभएको थियो । बाजुङ्ग पोखरा सम्पर्क समाजका सल्लाहकारहरु, सदस्यहरु र शुभचिन्तकहरुको विशेष उपस्थिती रहेका थिए । यो समाजले पर्वत जिल्ला मोदि गाउँपालिका ५ बाजुङ्गबाट विभिन्न पेशा, व्यवसाय गर्न र बसाइ सराइ गरि पोखरामा आइ बसोबास गरेका सम्पूर्णलाई एकआपसमा सहयोग, भुकम्प र कोभिडमा पनि सक्दो सहयोग गर्ने गरेको छ । जसले भाइचारा अभिबृद्धी भएको छ ।
