३ मंसिर, पोखरा ।
महोत्सव लेखनाथको संस्कृति, स्थानीय उत्पादन, विकास र समृद्धि भन्ने मुल नाराका साथ यही पौष ५ गते देखि १६ गते , तदनुसार (21 Dec2023 देखी 01Jan 2024)सम्म पोखरा महानगरपालिका वडा नं २७ डाँडाको नाक, तालचोकमा हुन गई रहेको लेखनाथ उधोग वाणिज्य संघका प्रथम उपाध्यक्ष एवं लेखनाथ महोत्सव २०८०का प्रचार प्रसार उपसमिति संयोजक उपेन्द्रराज सुवेदी(राजु)ले जानकारी दिनु भयो। महोत्सवले वर्तमान अवस्थामा आर्थिक मन्दिको कारण थलापरेको अर्थ तन्त्रलाई चलायमान बनाउने,पर्यटन प्रबर्ध्दन गर्ने, हस्तकलाका सामानहरुको बजार प्रवर्ध्दन गर्ने, स्थानीय उत्पादन साना उद्योगहरुको प्रवर्ध्दन गर्ने, जातीय भेषभुषा,कला संस्कृति,रीतिरिवाजको जगेर्न गर्ने,आन्तरिक र बाह्य पर्यटकहरुलाई आकर्षण गरि पर्यटनलाई सहयोग पुर्याउने मुख्य उद्देश्य लिएको छ।
शैक्षिक प्रदर्शनि अन्तरगत राष्ट्रिय अविष्कार केन्द्रद्वारा अविष्कार गरिएका प्रविधि प्रदर्शन गरिने छ। दैनिक उपभोग्य वस्तु ,श्रृंगारका सामान, विधुतीय उपकरण आदिको खरिद विक्री गरिनेछ। थप आकर्षणको लागि 3D picture मार्फत कवि शिरोमणि लेखनाथ पौडेलको जन्म घर झल्कने तश्विर lED स्टेजबाट प्रायोजकहरुको प्रवर्ध्दन र दर्शकहरुको लागि ई सेवाबाट टिकट काट्न सक्ने व्यबस्था मिलाईएको पत्रकार सम्मेलनमा जानकारी दिए। महोत्सवमा ३३४ वटा स्टलहरु रहेको ,२०८० मंसिर ७ गते देखि बुकिङ खुल्ला गरिएको ९८% स्टल बुकिङ भई सकेको आयोजकले जानकारी गराएकोछ ।
महोत्सवमा अनुमानित २ लाख ५० हजार दर्शक ,आर्थिक करोबार ९ करोड, आम्दानी ९० लाख, खर्च ८०लाख र बचत १० लाख हुने अनुमान गरिएको छ। लेखनाथ उधोग वाणिज्य संघका अध्यक्ष बिनोद श्रेष्टको अध्यक्षतामा भएको पत्रकार सम्मेलनमा स्वागत स्वंय अध्यक्षले गरेका थिए भने सञ्चालन महासचिव जानुका पराजुुलीले गरेका थिए।
