३० मंसिर,धादिङ
धादिङको विभिन्न स्थानमा शनिबार सात घण्टा विद्युत् आपूर्ति बन्द हुने भएको छ। नेपाल विद्युत् प्राधिकरणले १०: ०० बजे देखि साँझ ५: ०० बजे सम्म विद्युत् आपूर्ति बन्द हुने जानकारी दिएको हो।
धादिङ वितरण केन्द्र अन्तर्गत मातातीर्थ देखि नौबिसे सबस्टेसन आएको ३३ के.भी. प्रशारण लाइनको सुरुङ्ग मार्ग छेउमा जोखिमयुक्त पोलबाट नयां पोलमा तार सार्ने कार्य हुने भएकोले शनिवार बिहान १०:०० बजे देखि सांझ ५:०० बजे सम्म नौविसे स/ स बाट वितरण भएको फिडरहरु बन्द रहने हुँदा सो स/स बाट लाइन वितरण भएका स्थानहरू थाक्रे गाउपालिकाको सम्पूर्ण एरियाहरू साथै धुनिबेशी नगरपालिकाको वडा नं. ३, ४, ५, ६, ७, ८ र ९ अन्तर्गतका टायलघर, खानीखोला, नौबिसे, धार्के, पण्डितपौवा , जिवनपुर , महादेववेशी , सिम्ले, जुंगेखोला लगायत आसपासका स्थानहरुमा विद्युत आपूर्ति बन्द हुने नेपाल विद्युत प्राधिकरण धादिङ वितरण केन्द्रले जनाएको छ।
कार्य निर्धारित समय अगावै सम्पन्न भएमा सो समय भन्दा अगावै लाईन सुचारु हुन सक्ने व्यहोरा समेत प्राधिकरणले निकालेको सूचनामा उल्लेख गरिएको छ।
