२१ मंसिर, २०८० समृद्धिका लागि संकल्प यात्रामा हिडेको नेकपा एमालेको टिम आज बिहिबार पोखरा आइपुग्दैछ। मध्यपहाडी यात्राको क्रममा रहेको सबैभन्दा ठूलो सहर पोखरा महानगरमा यात्रामा रहेको टोली आज पोखरामा बास बस्नेछ। हिजो गुल्मीको आमसभा सकेर टोली बागलुङ को गलकोटमा बसेको छ। आज बिहान गलकोटबाट हिडेर ससदरमुकाम बागलुङ बजारमा खाना खाने र पर्वतको कुश्मा जनसभा र स्थानीय नेता,कार्यकर्ता तथा शुभेच्छुकहरुसँग अध्यक्ष केपी शर्मा ओलीले अन्तरक्रिया गर्ने कार्यक्रम रहेको एमालेले जनाएको छ।
मध्यपहाडका सामाजिक आर्थिक,साँस्कृतिक अवस्थाका बारेमाप्रत्यक्षअवलोकन,स्थानीयबासीसँग अन्तरक्रिया गरेर त्यहाँका समस्याको पहिचान र समाधान उपायको खोजीम मंसिर १४ गतेबाट एमालेले यात्रा सुरु गरेको थियो । सम्बन्ध स्थानीय, सन्देश राष्ट्रिय भन्ने नारा सहित मंसिर १४ गते राजमार्गको पश्चिमी विन्दु बैतडीको झुलाघाटबाट सुरु भएको यात्रा पुस १ गते पाँचथरको चिवाभञ्जयाङ मा टुंगिनेछ। यात्रा अवधिभर अध्यक्ष ओली सहभागी हुनेछन्। यात्रामा करिब २ सय जनाको केन्द्रीय टोली छ भने अन्य नेता कार्यकर्ताहरु आफ्नो आफ्नो प्रदेश तथा जीलामा सहभागी भइरहेका एमालेले जनाएको छ।
