मणिराम आचार्य,
सिन्धुली ।
कहिलेकाहीँ कस्ताे अन्याैल हुन्छ, चिड्काे पर्छ।आवश्यकता बाेध भएकाे सार्वजनिक काम गर्ने आधार र हैसियत नहुँदा एकदम क्षाेभ हुन्छ।
सिन्धुली सुनकाेशी-३ मा एउटा पनि अलि ओत लागेर बस्ने सार्वजनिक स्थल भनेकाे रेडक्रसकाे आवास क्षेत्र छ जहाँ सार्वजनिक महत्त्वका कार्यक्रम गर्न सहज छ।खड्केकाे कुरा यही छ कि एउटा अपूराे सत्तल छ विनाेद खड्का सभासद हुनुभएकाे बेला उहाँले आफ्नाे सांसदकाेषकाे रकम दिएर बनेकाे सत्तल। उहाँकाे पालामा सुनकाेशीमा निकै पुरातात्त्विक मन्दिर पाटी, लाेपाेन्मुख पहिचानका लागि सुधार हुने कुरामा ध्यान पुर्याइए।
त्यसबेला गुठबजारकाे प्रतापेश्वर मन्दिर, भाजुमाने पाटी बने, रामगञ्ज मन्दिर, गणेशस्थान सत्तल बन्न सकेनन् , आज पनि कसैकाे आँखा परेकाे छैन। सामान्य कार्यक्रममा दिने सामान्य खर्चबाट बन्न सक्ने जस्ता महत्वपूर्ण सम्पदा थाङ्ने नबनुन् ! प्रसङ्गत: रेडक्रससँग रहेकाे सत्तल हाल पानी चुहिरहेकाे छ, बजेट माग भयाे तर कार्यक्रम गर्न लस्कर लाग्ने गर्छ, बजेट दिनुपर्छ न काेही भन्छ न काेही महत्त्व ठान्छ यही भएर दु:ख लाग्छ!
गणेशस्थान मन्दिर गेट सत्तल पुरातात्त्विक मन्दिर जहाँ मंसिर पूर्णिमामा जात्रा लाग्छ । यहाँ शान्त छ, सबैकाे केन्द्र छ, बानी परेकाे छ, झट्ट सम्झने कुरा छ त्यही भएर दल आउँछ, स्वास्थ्य र सामाजिक गतिविधि आउँछन्, रक्तदान हुन्छ, वित्तीय संस्था, राेजगार, उद्यम जस्ता प्रशिक्षण चल्छन्।
जनताकाे काम सामुहिक काम, सरकारी काम , गैह्र सरकारी काम सबैले भेला हुने ठाउँ पाएका छन्। तर प्रश्न छ कसलाई कुर्ने, कतिन्जेल कुर्ने , कसरी बनाउने, बजेट कसले दिने, चासाे कसले राख्ने, प्रदेशले बनाउने कि संघले , काङ्ग्रेसले बनाउने कि माओवादीले वा एमालेले, कुनलिडरलाई भन्दा हुने,कहिले हुनेजस्ता कुराले निकै उदिग्न पार्छ, चिमाेट्छ, गर्मी बनाउँछ ! सभासदसँग पनि कुराभयाे, स्थानीय अभिमत एक ठिक्का छ।दल, वडा, समुदाय सचेत छ बजेट छैन, नबनि पनि हुने छैन !
लाैन कुन अवतार कसरी झुल्किन्छ कि एउटा मान्छेकाे, राहत नपाएकाे गाेठ सरह मक्कि जाने हाे, काेही त जिम्मेवार भएर बाेल्नु हाेस् चुनावमा बज्ने ठूला माइककाेआवाज कानमा बज्दै हाेला विकासका कुरा तर सामाजिक कुरा उठ्नु त के चूँसम्म नहुँदा दु:ख लाग्छ एक सचेत नागरिकमा ! सामाजिक क्षेत्र भनेकै सार्वजनिक क्षेत्र हाे, समाजलाई आवश्यक पर्ने कुरा! समाज सबैकाे हाे ,सबैले चासाे राख्नु आवश्यक छ!
