दशैं विदाकाे पूर्वसन्ध्या पारेर प्रगतिशील मावि रातमाटामा विद्यालयकाे एक महत्त्वपूर्ण कार्यक्रम संघीय माननीय लेखनाथ दाहालकाे प्रमुख आतिथ्यतामा सम्पन्न भयाे।
प्रमुख अतिथि माननीय लेखनाथ दाहालले विद्यालयकाे लागि आवश्यक कुरा जुटाउन आफू सदैव लागिपर्ने कुरा राख्नुभयाे।आउँदै गरेका चाडपर्वहरुकाे हार्दिक शुभकामना समस्त प्रगतिशील परिवार र देश विदेशमा रहनुभएका नेपाली दाजुभाइ दिदी बहिनीहरुमा अर्पण गर्दै माननीय ज्यूले आर्थिक मितव्ययिता र माया सदभाव र साँस्कृतिक हार्दिकता साटेर नजिकिएका चाडपर्वहरु उल्लासपूर्वक मनाउन सबैमा आग्रह गर्नुभयाे।
विद्यालयकाे ल्याव भवन समुदघाटन तथा हस्तान्तरण एवं निवर्तमान प्रअ चक्रबहादुर श्रेष्ठकाे विदाइसँग जाेडेर राखिएका मनाेरञ्जन, चाडपर्व शुभकामना, सामाजिक परीक्षण प्रतिवेदन सार्वजनिकीकरण तथा शिक्षक, विद्यार्थी र अभिभावकहरुलाई पुरस्कार जस्ता विविध विषय समेटी राखिएको कार्यक्रममा पालिका अध्यक्ष , प्रमुख प्रशासकीय अधिकृत विशेष अतिथि रहनु भयाे भने सुनकाेशी-३ वडाध्यक्ष, सुनकाेशी- ५ वडाध्यक्ष , कार्यपालिका सदस्य , विभिन्न संघ/ संस्था र छिमेकी विद्यालयका प्रअहरु अतिथिकाे रुपमा रहनुभएकाे कार्यक्रममा विव्यसका अध्यक्ष रामचन्द्र आचार्यले अध्यक्षता गर्नुभएकाे थियाे।
मणिराम आचार्य फेसबुक बाट साभार
