नेकपा माओवादी केन्द्रका अध्यक्ष पुष्पकमल दाहाल ‘प्रचण्ड’ले दसौ हजारको बलिदान बाट संविधान जोगाउन फेरि संघर्ष गर्नुपर्ने बेला आएको बताएका छन्। बिहीबार सम्पादकहरूसँगको अन्तरक्रियामा अध्यक्ष संविधान र लोकतन्त्रको रक्षाका लागि ५ दलीय गठबन्धन बनेको बताए।
पाच दलीय गठबन्धन बनायर आन्दोलन गर्न थालेपछि ओलीले आफूलाई फोन गरेर ‘तपाई वामपन्थीको सरकार ढालेर काँग्रेससँग मिलेर के गर्न लाग्नुभएको ?भनेर सोध्दा आफूले ‘काँग्रेस त तपाईँ भन्दा धेरै वामपन्थी रहेको भन्ने जवाफ दिएको बताए। ‘काँग्रेस लोकतन्त्रको रक्षाका लागि हिँडेको छ। संविधानको रक्षाका लागि हिँडेको छ। तपाईँ लोकतन्त्र र संविधान ध्वस्त पार्न लाग्नुभएको छ। अनि कसरी तपाई वामपन्थी र काँग्रेस दक्षिणपन्थी ?,’ प्रचण्डले भने।
