” हाम्रो चुमभ्याली” चिनारी म्युजिक भिडियोको विमोचन असोज ३० गते नेपाल पर्यटन बोर्ड भृकुटीमण्डप काठमाण्डौमा हुँदै ।
नेपालको ऐतिहासिक बिरता सभ्यता र साहसी जिल्लाको रुपमा चिनिने भौगोलिक साँस्कृतिक र पर्यटकीय दृस्ठिकोणले अत्यन्तै सुन्दर उत्तरी गोरखाको साँस्कृतिक,पर्यटन र भौगोलिक क्षेत्रको संरक्षण तथा प्रचारप्रसार गर्ने उद्देश्यले निर्माण गरिएको ” हाम्रो चुमभ्याली” चिनारी गीत तथा म्युजिक भिडियोको विमोचन यही आउदो २०८० असोज ३० गते (१७ अक्टोबर २०२३) मंगलबार दिनको १:०० बजे नेपाल पर्यटन बोर्ड भृकुटीमण्डप काठमाण्डौमा हुने भएको छ। विमोचन कार्यक्रम चुमभ्याली म्युजिक भिडियो निर्माण समिति चुमनुब्री गाउँपालिका- ७ गोररखाको आयोजनामा काठमाण्डौमा हुन लागेको हो। यस भिडियोको गीतमा छाङ लामाको रचना , राजु थापाको संगीत,सन्दिप कार्कीको एरेन्ज रहेको छ भने ,बिसन मानन्धरको मास्टरिङमा र बिक्रम थापा द्वारा हाम्रोनियम रेकर्डिङ स्टुडियो काठमाडौमा रेकर्ड गरिएको हो।
भिडियोलाई पोखराका चर्चित नृत्य निर्देशक लब्शन गुरुङले निर्देशन गरेका हुन भने अमृतमान गुरुङको कोरियोग्राफी , छबि राना मगरको सम्पादन,रेनु गुरुङको श्रगार, सन्तोस पिठाकोटे मगरको ,डिओपिमा दिपेस के.सी.ले ड्रोन तथा छायांकन गरेका हुन । उक्त म्युजिक भिडियोमा स्वर लोकप्रिय गायक राजु लामा र गायिका छिरिङ लामाको रहेको छ । भिडियोमा नायिका एवम् मोडेल जोनिसा गुरुङ र इनटरनेशनल मोडल शेराब ग्याल्जेन लामाको अभिनय रहेको छ ।
यो चुमभ्यालीको पहिलो म्युजिक भिडियो पनि हो। यस म्युजिक भिडियोका मोडेल जोनिसा गुरुङ एक हसिलो ,सुशील स्वभाव, अनुशासित र बहुप्रतिभाका धनी मोडेल हुन। जोनिसा पछिल्लो समय धेरै म्युजिक भिडियोमा व्यस्त मोडेलको रुपमा चिनिन्छ । अधिकांश म्युजिक भिडियोहरुमा जोनिसाको अभिनय रहेको छ। मोडेल जोनिसा गोरखा जिल्लाको चुमनुब्री गाउँपालिका – ३ न्याक गाउँ उत्तरी गोरखामा जन्मिइकी हुन भने बाल्यकाल लमजुङमा बिताएकी थिईन।
हाल काठमाण्डौको सामाखुशीमा जनरलिजममा ब्याचुलर तेस्रो बर्षमा अध्यनरत छिन भने मोडेल जोनिसा मिस गुरुङ – २०२० की सेकेन्ड रनरअप पनि हुन।
