बारामा मंगलबाररति गोली हानी एक भारतीय युवकको हत्या गरिएको छ। मोतिहारी जिल्ला दर्पाथाना सुक्लहियाका २२ वर्षीय अजितकुमार सिंहलाइ बारामा गोली प्रहार गरी हत्या गरिएको हो। उनको हत्या पचरौता नगरपालिका ६ लक्ष्मिनियामा भएको हो।

मंगलवार बेलुकी सवा ६ बजे उनको हत्या भएको बाराका प्रहरी प्रवक्ता डिएसपी ददिराम न्यौपानेले जानकारी दिए। उनका अनुसार मृतक सिंह साथीहरुसँग मोटरसाइकल चढेर नेपाल आएको बेला उनको हत्या भएको हो।

प्रारम्भिक अनुसन्धान अनुसार उनका साथीले उनी माथी गोली चलाएको देखिएको छ। घटनाको बारेमा थप अनुसन्धान भईरहेको प्रहरीले जनाएको छ।