गजल

गलत व्याख्या गरेर यो संविधान जलाउन नखोज!
सार्बभौम सत्ता जनतामा निहित छ चलाउन नखोज!
जनता दशकौं देखि उत्पीडन सहेर बसेका छन्!
आफैलाई मालिक ठानेर जनता गलाउन नखोज!

हजारौं लाखौं श्रमजीवी जनता सडकमा ओर्लिए भने!
दमन गरेर गणतान्त्रिक सर्वोच्चता ढलाउन नखोज!

यो युगको लगाम युवाहरूको हातमा परी सकेको छ!
रुपैयाँ पैसाको लोभले युँवालाई बहलाउन नखोज!

यो देश र दुनियाँ दासताको साम्राज्यबाट मुक्त हुनेछ!
“आकाश”को त्यो जूनलाई धर्तीमा फलाउन नखोज!

~आकाश अधिकारी-तनहुँ।