सरकारले प्रधानमन्त्री पुष्पकमल दाहालको ‘प्रचण्ड’ को अमेरिका (न्युयोर्क) भ्रमण स्वीकृत गरेको छ।
आज बिहान बसेको मन्त्रिपरिषद् बैठकले प्रधानमन्त्री प्रचण्डको अमेरिका भ्रमण स्वीकृत गरेको हो।
प्रधानमन्त्री दाहाल न्युयोर्कमा आयोजना हुने संयुक्त राष्ट्रसंघको ७८औं महासभामा भाग लिन नेपाली प्रतिनिधिमण्डलको नेतृत्व गर्दै भदौ ३० मा त्यसतर्फ प्रस्थान गर्दै हुनुहुन्छ।
यसैगरी मन्त्रिपरिषद् बैठकले स्वर्गीय गायक जेबी टुहुरेलाई ‘जनगायक’को उपाधि प्रदान गर्ने निर्णय पनि गरेको सरकारकी प्रवक्ता एवं सूचना तथा सञ्चारमन्त्री रेखा शर्माले जानकारी दिनुभयो।
