कास्की जिल्ला अदालतको आर्थिक वर्ष ०७९/०८० मा मुद्दा पछ्र्यौैट संख्या विगतको भन्दा बढेको छ ।
जिल्ला अदालतबाट विगत दुई आर्थिक वर्षको तथ्याङ्क हेर्दा आर्थिक वर्ष ०७९/०८० मा पछ्र्यौट संख्या बढेको हो । आर्थिक वर्ष ०७९/०८० मा जिम्मेवारी सरेका आएका २४ सय ३७ र नयाँ दर्ता हुन आएका ३९ सय २४ गरी कुल ६३ सय ६१ ओटा मुद्दा दर्ता भएकोमा ४१ सय १४ ओटा मुद्दा पछ्र्यौट भएको अदालतका स्रेस्तेदार रुद्रप्रसाद अर्यालले बताउनु भयो । उहाँले मुद्दा फछ्र्यौट संख्या लक्ष्य भन्दा बढी भएको बताउनु भयो ।
‘जिल्ला अदालतले जुन लक्ष्य अनुमान गरेको थियो । त्यो अनुरुप मुद्दा फछ्र्यौट भएको छ,’ अर्यालले भन्नुभयो । जबकी आर्थिक वर्ष ०७८/०७९ मा ३ हजार १३ ओटा मुद्दा फछ्र्यौट भएका थिए जुन जिल्ला अदालतमा जिम्मेवारी सरेर आएका २ हजार ७५ र नयाँ दर्ता ३३ सय ७५ गरी कुल ५४ सय ५० ओटा मुद्दा दर्ता भएकोमा ३ हजार १३ ओटा मुद्दामात्र फछ्र्यौट भएका थिए ।
दुई आर्थिक वर्षको तुलनामा आर्थिक वर्ष ०७७/०७८ मुद्दा फछ्र्यौटका संख्या हेर्ने हो भने निकै कम छ । आर्थिक वर्ष ०७७/०७८ मा २१ सय ४६ ओटा मुद्दा मात्र फछ्र्यौट भएका थिए । जुन जिम्मेवारी सरेर आएका १९ सय ७४ ओटा र नयाँ दर्ता २२ सय ४७ ओटा गरी ४२ सय २१ ओटा मुद्दा दर्ता भएका थिए । अहिलेको चालु आर्थिक वर्षमा २२ सय ५० ओटा मुद्दाको जिम्मेवारी सरेको छ । यसमध्ये ६ ओटा मुद्दा दुई वर्ष नाघेका छन् ।
