राष्ट्रपति निर्वाचनका लागि ८ दलीय गठबन्धनले प्रदेशसभा सदस्यहरूका लागि कर्णाली राजधानीमा आयोजित अभिमुखीकरणमा बोल्दै खड्काले राष्ट्रपतिमा कांग्रेसका रामचन्द्र पौडेललाई मतदान गर्न आग्रह गरे ।
उनले ५ वर्ष राजनीति गर्ने र कुनै पदका कारणले यो मिसनलाई फेल गराउन नसक्ने दाबी गरे ।
प्रधानमन्त्री प्रचण्डको भनाइलाई उद्धृत गर्दै खड्काले ओलीजीलाई पटक पटक भेटेर दुवैले कांग्रेसलाई भेट्ने प्रस्ताव रोखेको र सभामुख एमालेको छ, राष्ट्रिय सभा अध्यक्ष एमालेको छ, प्रधानमन्त्री आफैं रहेको र पहिलो दल कांग्रेसलाई राष्ट्रपतिको उम्मेदवारलाई समर्थन गर्न प्रस्ताव राखेको तर ओली नमानेको बताए ।
खड्काले कांग्रेसलार्इं ओलीले शत्रुतापूर्ण शब्द बोलेको तर प्रधानमन्त्रीले भन्न नचाहेको दाबी गरे ।
शान्ति प्रक्रियालाई बोकेर मुलुकलाई जनधनको क्षति पुर्याउनबाट जोगाएर १२ बुँदे शान्ति सम्झौता मार्फत संविधान सभाबाट संविधान बनाएको सारा कुरालाई बोक्ने, यसको रक्षा गर्ने पटकपटक परीक्षण दलका नेताबाट भएको खड्काले बताए ।
‘अब हामी एक ठाउँ उभिएनौं भने संविधान पनि रहँदैन, संघीय लोकतन्त्र गणतन्त्र पनि रहँदैन, मुलकको शान्ति प्रक्रिया पूर्णता पनि हुँदैन’, उनले भने, ‘यी सबै नरहनु भनेको नेपाल फेरि युद्धमा जाने, नेपालीले धान्न नसक्ने हिंसा हुने, नेपालीले धान्न नसक्ने परिणाम आउन सक्छ ।’
