आगामी मंसिर ४ गते हुने प्रतिनिधि सभा र प्रदेश सभा सदस्यको निर्वाचनको मिति नजिकिदै गर्दा पर्वतका राजनीतिक दलहरु सक्रिय रुपमा प्रचार प्रसारमा जुटेका छन् । नेकपा एमाले पर्वतको चुनावी सभा शुक्रवार फलेवास नगरपालिका वडा नं. ३ शंकरपोखरीमा सम्पन्न भएको छ । एमालेवाट प्रतिनिधि सभा सदस्यका उम्मेदवार पदम गिरी र प्रदेश सभा ख का उम्मेदवार मित्रलाल बस्याल सहित केन्द्र, प्रदेश, जिल्ला र नगरस्तरका नेताहरुले शंकरपोखरीका विभिन्न टोल र बस्तीमा पुगेर टोलसभा तथा घरदैलो गर्नुभएको छ ।
सो अवसरमा बोल्दै प्रतिनिधि सभा सदस्यका उम्मेदवार पदम गिरीले शंकरपोखरीमा लामो समयदेखि समस्याको रुपमा रहेको खानेपानीको समाधान गर्न नेकपा एमालेकै सरकारले पहल गरेको बताउनुभयो । नेकपा एमालेको प्रदेश र संघीय सरकारले खानेपानीका लिफ्ट, बोरिङ, र मुहानवाट ल्याउने गरी विभिन्न विकल्प अपनाएर योजनाहरु संचालन गरेको बताउँदै अब शंकरपोखरीवासीका दुःखका दिन सकिएको बताउनुभयो । नेपाली काँग्रेसले लामो समय सत्तामा पु¥याएपनि शंकरपोखरीवासीको तिर्खा एमालेले मेटाउन सफल भएको उहाँको भनाई छ ।
उहाँले पुरा हुन बाँकी घरधुरीमा यसै वर्ष काम सम्पन्न गर्न पहल गर्ने समेत बताउनुभयो । त्यस्तै शंकरपोखरीवासीको समृद्धि र विकास तथा गाउँमा आवश्यक पूर्वाधारहरुको विकासका लागि पनि नेकपा एमालेलाई बिजयी गराउन आग्रह गर्नुभयो । कार्यक्रममा प्रदेश सभा ख का उम्मेदवार मित्रलाल बस्यालले नागरिकका थुपै्र आवश्यकताहरु पुरा गर्न बाँकी रहेको बताउँदै चुनावपछि एमालेको नेतृत्वमा बन्ने सरकारले ती सवै पुरा गर्ने प्रतिवद्धता व्यक्त गर्नुभयो । उहाँले आगामी निर्वाचनमा सुर्य चिन्हमा मतदान गरी जिल्लाको भविष्य निर्माणमा योगदान गर्न आव्हान गर्नुभयो ।
यसैगरी नेकपा एमाले प्रदेश सभा क का उम्मेदवार भक्त कुँवरको चुनावी कार्यक्रम जलजला गाउँपालिकाको धाईरिङमा सम्पन्न भएको छ । यस अघि शालिजामा विभिन्न बस्तीमा पुगेर उहाँले घरदैलो र कोणसभा गर्दै शालिजासम्मको सडक कालोपत्रेका लागि प्रकृया अघि बढेको बताउँदै आगामी दुई वर्ष भित्र एमाले सरकारले सडक कालोपत्रे गरिसक्ने बताउनुभयो । उहाँले अन्य आवश्यक पूर्वाधारको विकास गर्दै त्यस क्षेत्रमा जडिबुटी खेती विस्तार, मौसमी तथा बेमौसमी तरकारीको सहज बजारीकरण लगायको काम गर्ने प्रतिवद्धता दोहो¥याउनुभयो । धाईरिङमा पुगेर कुँवरले मिलनचोक–धाईरिङ सडक नेकपा एमालकै सरकारले शुरुवात गरेको र यसको पुर्णताका लागि पनि पुन एमालेकै नेतृत्वमा सरकार बन्नुपर्नेमा जोड दिनुभयो ।
उहाँले धाईरिङको उर्वर भूमिलाई समुचित उपयोग गरी स्थानीको आर्थिक समृद्धिमा टेवा पु¥याउन स्थानीयको मागको आधारमा विशेष कार्यक्रम ल्याउने बाचा गर्नुभएको छ ।यता सत्ता गठवन्धनका उम्मेदवार अर्जुनप्रसाद जोशी र सुदिप कुँवरको चुनावी कार्यक्रम जलजलाकै नाङलीवाङ र बनौमा सम्पन्न भएको छ । दुवै वडाका विभिन्न बस्तीमा पुगेर उहाँहरुले घरदैलो र कोणसभा गर्नुभएको थियो । संविधानको रक्षा र गठवन्धनलाई निरन्तरता दिनका लागि दुवै उम्मेदवारले मत माग्नुभएको थियो ।
