अल्चना श्रेष्ठ
२९ चैत्र ०७८, पाेखरा
नेकपा (माओवादी केन्द्र) मजदुर विशेष शाखा कास्कीको बैठक स्थानीय तह निर्वाचनमा पार्टीका उम्मेदवारहरूलाई विजयी गराउन आआफ्नो भूगोलमा सक्रियतापूर्वक लाग्ने लगायतका निर्णय गर्दै सम्पन्न भएको छ ।
अखिल नेपाल ट्रेड युनियन महासंघका केन्द्रीय उपाध्यक्ष एवम् गण्डकी प्रदेश इन्चार्ज एसबी थापामगरकाे प्रमुख आतिथ्य साथै अन्टुफ गण्डकीका अध्यक्ष रूद्र गाैतमकाे विषेश आतिथ्यमा सहिद स्मृति भवन पाेखरामा बसेको मजदुर विशेष शाखा कास्कीकाे बैठकले सिंगाे कमिटी माओवादी केन्द्रका उम्मेदवारलाई स्थानीय चुनावमा विजयी गराउने अभियानमा क्रियाशील हुने निर्णय गरेको हाे ।
नेकपा (माओवादी केन्द्र) गण्डकी प्रदेश सदस्य नवीन अधिकारी र भाेजराज खत्रीको समेत आतिथ्य रहेको उक्त बैठकले शाखाका अध्यक्ष टंक पाैडेलकाे नेतृत्वमा ५०१ सदस्यीय स्थानीय तह चुनाव प्रचारप्रसार कमिटी गरेको छ । यस्तै बैठकले ५१ सदस्यीय निर्वाचन परिचालन कार्यसमिति पनि गठन गरेकाे छ । यस्तै बैठकले मजदुर सहिद स्मृति भवनकाे अधुराे निर्माण कार्य अघि बढाउन रमेश सिकेकाे अध्यक्षतामा ७ सदस्यीय कमिटी पनि गठन गरेको छ ।
