बाँकेस्थित भेरी अस्पतालमा मुटुरोगका कारण भएको बिरामीको मृ’त्युलाई ‘डाक्टरको ला’परवाही’ भन्दै अस्पतालभित्रै चिकित्सकहरूको “खुट्टा का’ट्ने र मा’र्ने” ध’म्की दिने पत्रकार कुशल दर्लामी पूर्व सांसद दलबहादुर सुनारको बैजनाथस्थित घरबाटै प’क्राउ परेका छन्। पूर्व सांसद सुनारको आड र उक्साहटमा दर्लामीले अस्पतालमा आ’तंक मच्चाइरहेका बेला पर्दा पछाडि भने यो मुद्दालाई सामसुम पार्न २५ लाख रुपैयाँको मोटो रकमको बार्गेनिङ र डिल भइरहेको सनसनीपूर्ण खुलासा भएको छ।
विशेष स्रोतका अनुसार दलबहादुर सुनारले चिकित्सकहरूसँग २५ लाख रुपैयाँ लिएर केश मिलाउने अन्तिम तयारी गरिरहेका थिए, तर ठिक त्यही समयमा सांसद खगेन्द्र सुनार घटनाको वास्तविकता बुझ्न अस्पताल पुगेपछि पैसाको त्यो खेलमा एकाएक पूर्णविराम लागेको हो। सांसद सुनार नै घटनास्थलमा उपस्थित भएपछि कुनै पनि पक्षले रकमको माग गर्ने वा ‘सेटिङ’ मा केश मिलाउने हिम्मत गर्न सकेनन्, जसका कारण भित्रभित्रै गुम्सिएको २५ लाखको डिल असफल हुन पुग्यो।
यस घटनामा दलबहादुरका छोरा खगेन्द्र तिरुवाको समेत प्रत्यक्ष संलग्नता देखिएको छ । तिरुवाले अस्पतालका कर्मचारी र चिकित्सकलाई गा’लीगलौ’ज गर्दै अस्पतालभित्रै अ’राजकताको नेतृत्व गरेको आरोप छ। यस सांसद खगेन्द्र सुनारलाई समेत घटनास्थलमा केही व्यक्तिहरूले दु’र्व्यवहार गरेको भिडियो सामाजिक सञ्जालमा भाइरल छ। राजनीतिक स्वार्थका लागि दल बदल्दै हाल रास्वपामा रहेका दलबहादुरको संरक्षणमा भएको यो अ’राजकता विरुद्ध अस्पतालले जाहेरी दिएपछि प्रहरीले दर्लामीलाई नियन्त्रणमा लिएको छ भने फरार रहेका अन्य समूहको खोजी कार्य प्रहरीले तीव्र पारेको छ।
