बिकास लुङ्गेली।
जमघट चिनारुहरुकै थियो
भिड बाट आवाज आयो।
चुर्लुम्म डुबेको संस्था
फाइदामा ल्याएकैहो।
उस्ले मात्रै गर्दा होर?
अठार घन्टा लोडसेडिङ थियो
अन्धकार बाट मुक्त त पारेकै होनि!
हाम्रो संयुक्त प्रयासले हो एक्लैले होर?
जे होस लोडसेडिङ मुक्त भएकै हो
त्यो वहाँको मुख्य भुमिका हो!
बरु यसको श्रेय भारतलाई दिउँ!
यो त अलि संकीर्ण भएनर?
कुशल ब्यबस्थापक भन्न सकिन्न?
संस्था अझै घाटामा छ
कि बजेट देउ कि महसुल बढाउँ
नत्र लोडसेडिङ हुन्छ
एक दुई तीन हुन्छ हुन्छ!
ओहो!
कन्सिरी रिनिनी भो
दाँत किटिटी भो
मुटु फुत्त बाहिरै निस्केला झैं भो
अनायासै मुठ्ठी कस्सिएर आयो
तँलाई मर्ने बेला स्याउँ स्याउँ किरा परोस
भन्ने मन हुँदाहुँदै
मनको आवेग सम्हालेर
त्यहाँबाट बाहिरिएँ!
