मञ्जुश्री फाईनान्स लि. पोखरा शाखाले Global Money Weeks 2025 को अवसर पारेर पोखरा-९, न्युरोड, कास्कीमा रहेको NSMO Language and Training Center Pvt. Ltd. का विद्यार्थीहरुलाई वित्तीय साक्षरता कार्याक्रम सम्पन्न गरेको छ । उक्त कार्यक्रममा २० जना प्रशिक्षार्थीहरु उपस्थित थिए। सो कार्यक्रममा फाईनान्सका शाखा प्रबन्धक सर्मिला श्रेष्ठले वित्तीय अनुशासन, वित्तीय आचरण, वित्तीय साक्षरताको महत्व, बचत, वित्तीय ठगीका साथै डिजिटल कारोबारका बारेमा जानकारी गराएका थिए

आजको बचतबाट नै आफ्नो सपना भोलिका दिनमा पूरा गर्न सकिने भन्दै आजैबाट बचत गर्न समेत प्रेरित गरिएको थियो। आफ्नो आम्दानीको ७०% दैनिक जीवनको खर्च गरेता पनि बाँकी ३०% मध्ये २०% अल्पकालीन बचत र १०% दीर्घकालीन बचत गर्नुपर्दछ र सम्पुर्णलाई बचत गर्ने बानी बसाल्न प्रेरित गरिएको थियो। त्यसैगरी, डिजिटल बैंकिङ र प्रयोगले मानिसको जीवनमा कसरी सहयोग पुर्याउँछ भन्नेबारे पनि प्रष्ट पारिएको थियो ।

वित्तीय साक्षरताका कार्यक्रम नियमित रुपमा हुनुपर्छ तब मात्र वित्तीय अनुशासनको विषयमा पुर्ण ज्ञान हुन्छ भन्दै सम्पुणै प्रशिक्षार्थीहरुले अझ यस्ता कार्यक्रमहरु गरिरहन सुझाव दिएका थिए । उक्त कार्यक्रमको संचालन शाखाका बिजनेश डेभलपमेन्ट अफिसर रमेश अधिकारीले गरेका थिए ।