तमुहरु (गुरुङ) को मौलिक आफ्नो भेषभुषा , भाषा, धर्म ,संस्कार, कला ,संस्कृति, पराम्परा र पहिचान लाई संरक्षण,सम्बर्द्धन,प्रबर्द्धन र बिकासको मुख्य उद्देश्यका साथ प्रवास युएईमा स्थापित तमु समाज युएई र तमु प्ये ल्हु संघ युएईले संयुक्तरूपमा प्रत्येक बर्ष झैं यस बर्ष पनि  तमू समुदायको राष्ट्रिय पर्व ‘तमू ल्होसार २०८१’ को अवसरमा यही आउदो २०२५ जनवरी ०५ तारीख शुक्रबार  युएईको वर दुबई स्थित होटल एभरेष्ट याक एण्ड यति क्लबमा नेपाली पात्रो अनुसार मुप्रि-ल्हो (गिद्ध वर्ग) लाई बिदाई गर्दै सप्रि-ल्हो (सर्प वर्ग) लाई स्वागत गर्न तमू जातिको मौलिक संस्कार, संस्कृति, र परम्परा झल्कने विशेष कार्यक्रम सहित भव्य रुपमा सप्रि-ल्हो (सर्प वर्ग) तमु ल्होसार मनाउने भएको छ।

उक्त तमु ल्होसार कार्यक्रममा गुरुहरु बाट तमू जातिको परम्परागत पुजा,शुभकामना आदान-प्रदान नेपाल बाट आमन्त्रित अतिथि कलाकार सुमधुर आवाजका धनी लोकप्रिय बहुचर्चित लोकदोहोरी गायिका बबिता गुरुङको बिशेष सांगीतिक प्रस्तुति र युएईमा  रहेका चर्चित नेपाली कलाकारहरूको बिजोड प्रस्तुतिको धमाका सहित मनोरञ्जनात्मक कार्यक्रम तमू जातिको मौलिक परम्परा र संस्कृतिलाई झल्काउने सांस्कृतिक झाँकी प्रस्तुति रहने आयोजकले जनाएको छ ।
उक्त संयुक्त सप्रि-ल्हो (सर्प वर्ग) ल्होसार बिशेष सांस्कृतिक कार्यक्रम ऐतिहासिक रुपमा भव्य र सभ्य  सु-सम्पन्न र सफल बनाउनको लागी तमु ल्होसार बिशेष कार्यक्रममा प्रवास युएईमा स्थापित सम्पूर्ण प्रवासी संघ संस्थाका प्रमुख, प्रतिनिधि, व्यवसायी, समाजसेवी, पत्रकार,बुद्धिजीवी महानुभव, शुभचिन्तक, प्रबासी नेपाली दाजुभाइ तथा दिदिबहिनीहरु लाई सप्रि-ल्हो (सर्प वर्ग) ल्होसार बिशेष सांस्कृतिक कार्यक्रममा सहभागी भई आफ्ना संस्कृति, परम्परा, र चाडपर्वलाई संरक्षण र प्रवर्द्धनमा साथ दिन गरिमामय उपस्थितिको लागि आयोजक तमु समाज युएई र तमु प्ये ल्हु संघले आह्वान गरेको छ।