पोखरा,

हालः बहराइनमा कार्यरत दाजुभाइ रामबहादुर थापामगर र हेमबहादुर थापामगरले आफ्ना दिवंगत बाबु आमाको सम्झनामा नेपाल मगर संघ, कास्कीलाई आर्थिक सहयोग गर्नुभएको छ ।
नेपाल मगर संघ, कास्कीको भौतिक स्तरोन्नतिका लागि रामबहादुर र हेमबहादुरले आफ्ना दिवंगत बाबु स्व. बालसिंह थापामगर र आमा स्व. विष्णुकुमारी थापामगरको स्मृतिमा ५० हजार ५ सय ५५ रुपैयाँ आर्थिक सहयोग गर्नुभएको हो । सो सहयोग रकम सोमबार नेपालका प्रथम शहीद लखन थापामगरको १४५ औं स्मृति दिवसका अवसरमा आयोजित कार्यक्रममा नेपाल मगर संघ, कास्कीकी जिल्ला सचिवालय सदस्य देउकुमारी थापामगरले अध्यक्ष संगीता पुनमगरलाई हस्तान्तरण गर्नुभयो ।
सहयोग हस्तान्तरण कार्यक्रममा नेपाल मगर संघका केन्द्रीय सल्लाहकार बालासिंह काउछामगर, नेपाल मगर संघ, कास्कीकी उपाध्यक्ष बुद्धिमाया थापामगर, सचिव रामबहादुर थापामगर, सह–सचिव लालबहादुर रानामगर, कोषाध्यक्ष चन्द्रबहादुर पुर्जामगर, नेपाल मगर पत्रकार संघका केन्द्रीय उपमहासचिव रूद्रबहादुर श्रीसमगरलगायतको उपस्थिति रहेको थियो ।