पोखरा

गोर्खाली रेडियो १०६ मेघाहर्ज पोखराका उपाध्यक्ष एवं होटेल मालाका सञ्चालक क्याप्टेन हितमान गुरुङले, गोर्खाली रेडियो १०६ मेघाहर्जले सञ्चालन गर्दै आएको उद्घोषण एवं क्षमता अभिवृद्धि  सम्बन्धी प्रशिक्षणमा उत्कृष्ट  प्रशिक्षार्थीहरुलाई स्वीमिङ्ग पुलको ब्यबस्था  गरिएको थियो । सुन्दर नगरी पोखराको पर्यटकीय क्षेत्र लेकसाईडको स्ट्रीट नं १३ मा अवस्थित होटेल मालाबाट स्तुपा, पुम्दिकोट, माछापुच्छ्रे हिमाल र फेवातालको मनोरम दृष्य अवलोकन गर्न पाईन्छ । मालाको सात तले भावनामा रहेको विभिन्न सेवा सुविधा सहित छैठौं तलामा स्वीमिङ्ग पुलको समेत ब्यबस्था रहेको छ । उक्त भावनामा बाह्य पर्यटकीय तथा स्वदेशी पर्यटकीयहरुको लागि पनि  गेष्ट हाउसको व्यवस्था रहेको छ ।  सो भावनामा लिफ्टको माध्यमबाट तल माथी गर्न सकिने, स्वीमिङ्ग गर्न सकिने, नेपाली र तिब्बतीयन कलाकृतिले सु-सज्जित छ । सो होटेल मालाको सञ्चालक क्याप्टेन हितमान गुरुङले गोर्खाली रेडियो परिवारलाई एक दिनको लागि स्वीमिङ्ग र खाजा निशुल्क सेवा सुविधा प्रदान गर्ने प्रतिबध्दता ब्यक्त गर्नु भएको थियो।

त्यसैलाई मध्ये नजर राख्दै गत वर्ष उत्कृष्ट हुन सफल प्रशिक्षार्थी गरिमा श्रेष्ट र हालै सम्पन्न प्रशिक्षणमा प्रथम हुन सफल रिसिता गुरुङ सहित गोर्खाली रेडियोको टीम  स्टेसन मैनेजर खिमा गुरुङको नेतृत्व र समन्वयमा होटेल माला पुगेको थियो । होटेल मालामा रहनु भएका कर्मचारीहरुले प्रदान गरेको आतिथ्यता, सेवा सुविधा र स्वीमिङगको समयमा होटेल  सञ्चालक क्या हितमान गुरुङ स्वंय उपस्थित रहेर विभिन्न क्रियाकलापमा शरिक भई प्रोत्साहन गरि रहनु भएको थियो भने गोर्खाली रेडियोको  टीमको लागि होटेल मालामा सदा सर्वदा ढोका खुला रहेको जानकारी दिनु भयो। सो कार्यहरुको प्रशंसा सहित आभार ब्यक्त र सञ्चालक गुरुङलाई सम्मान गर्दै स्टेसन मैनेजरद्वारा सम्पुर्णलाई धन्यवाद व्यक्त गर्नु भएको थियो।