अछामबाट चामल लिन आठबीस नगरपालिकाको राकम बजार जादै गरेका १३ वटा खच्चर कर्णाली नदीमाथिको झोलुंगे पुलमा आइतबार बिहान फसेका थिए।
नेपाल प्रहरी,नेपाली सेना र सशस्त्र प्रहरीले स्थानीय बासिन्दाको समेत सहयोगमा कर्णाली नदीमाथिको झोलुंगे पुलमा फसेका खच्चड उद्धार गरिरहेका छन्। अछामका निमित्त प्रमुख जिल्ला अधिकारी गणेश कोइरालाका अनुसार ती खच्चडहरू अछामबाट चामल लिन दैलेख जादै गर्दा पुलमा फसेका थिए।
पुलको लठ्ठा चुडिँएको भागको पुलामा १३ खच्चर जालीमा छिरेका थिए। पुलको जाली काटेर खच्चडहरूको उद्धार गरिएको हो। ‘सुरक्षाकर्मी र स्थानीयले पुलको जाली काटेर खच्चडलाई कर्णाली नदीमा खसालिरहेका छौं, केही खच्चड तैरिएर किनारमा आए, केहीलाई डुंगामार्फत् निकालिएको छ,’ आठविस ६ का वडाध्यक्ष नवराज शर्माले भने।
