आजकल पेट भरिने खाजाले

नपुगेको होकि,

तिमिले मेलाबाट फर्किंदा

पोल्टामा ल्याइदिएको

एक फ्वाक ठेला मकै,

पसिनाले चप्लक्क भिजेको

पटुकिमा गुम्सिएरर बसेको कोदाको रोटी,

स्याउलीको पातमा पोको पारिएको तितेकरेलि, निउरो, तामाको अचार

मुख मिठ्याइ मिठ्याइ फेरि खान मन छ आमा,

तिम्रो सारिको फेरो समाउँदै तिमिलाई सताउँदै तिम्रो अघिपछि लाएर फेरि मामाघर जान मन छ आमा,

दाइलाई नभन् है भन्दै लुकाइ लुकाइ दिएको पैसा लिन मन छ,

पहिला जस्तै तिमिलाई फेरि दु:ख दिन मन छ आमा

आमा मिल्छ भने मलाई उहिँ बालापनमा फर्काइदेउन है

घुमाउने घरको धुरी बाट छिरेको पानि अगिनाको अगुल्टो सम्म

पुग्न नदिइ

आफु भिज्दै अगिनालाइ छत्रि ओढाइ खाना पकाएर मलाई खुवाएको कहाँ बिर्स्याछु र आमा

देउजे,‌ सिटलपाटि, धारापानी गोठालो

जाँदा होस् या पानि पधेरा जाँदा

माथिबाट

देउताले दिएको पानिले भिझ्न हुन्न है भन्दै आफ्नो सिरमा

फनफनि बेरेको पछ्यौरी

मलाई ओढाएर आफु नाङ्गो टाउको रुझेको याद ताजै छ आमा,

सन्तान प्रतिको तिम्रो त्याग

सम्झिदाँ कहालि लाग्ने ति दिन ति पल

हरपल आखाँ अगाडि झलझलि आउँछन् र त तिम्रो मलाई औधि मायाँ लाग्छ नि आमा,

कुर्था लगाउने मेरो रहरमा तिमिले आफ्नो सारि मासेकि थ्यौ

कुर्था लगाइ तिमि सामु आउँदा पिडा लुकाइ मुसुक्क हाँसेकि थ्यौ

आफु नखाएर मेरो पेट भरेकि हौ

यहाँ सम्म पुर्याउन मलाई धेरै नै संघर्ष गरेकी हौ

सबै भन्दा महान आमा तिमि

ईश्वर भन्दा बलवान आमा तिमि

अरुले जे गरुन जे भनुन

मेरा लागि त भगवान आमा तिमि…

प्रमिला पौडेल

तनहुँ