डिबी थापा
पोखरा
आमा : आमा हुन्
आमा : सासु आमा होईनन् ।
दिदि : आमा पछिको आमा हुन्, ममताको हिसावले तर आमा होईनन्,
ठुली आमा, सानी आमा, काकी, भाउजु , हजुरआमा, घरबेटी आमाको सम्वन्ध आफ्नो आफ्नो ठाउँमा छ तर जन्मदिने आमासँग यि सम्वन्धहरुलाई दाँज्नै मिल्दैन ।
जन्म दिने सँग कर्म सिकाउनेलाई तुलना गर्नै मिल्दैन ।
फेसबुकमा फोटो नहाले सासु रिसाउलिन्, काकीले के सोच्लिन्, मामाघर कि हजुरआमा, घर कि हजुरआमा, भाउजु पनि आमा समान कि हुन्, ससुराली कि सासुआमा, यो, उ सम्वन्धलाई जन्मदिने आमासँग नजोडौँ
सबै प्रति उच्च सम्मान त छ
आफ्नो ममतामयी आमाप्रति स्वम आफू समर्पित होऔँ
आप्नो ज्यानको बाजी लगाएर त्यो प्रशव पिडामा छट्पटाउदै जन्मदिने आमा
भोक,प्यास, निन्द्रा सबै भुलेर सन्तानको खुसीलाई नै आफ्नो सफलता ठान्ने आमा
अनि कसरी सकिन्छ समान ठान्न?
बुहारी कहिल्यै छोरी जस्तो हुन सक्दिनन्
छोरी कहिल्यै बुहारी जस्तो हुन सक्दिनन्
आमा : कहिँ कतै छोरीको खुट्टा अन्जानमा छुन पुगे ठूलै पाप गरे झै गरि पाप कट्टी गर्नकै लागि छोरीको खुट्टा ढोग्छिन्,
सासुआमा : कतैबाट बुहारी आउँदा परै देखि खुट्टा ढोगाउन तम्तयार भएर बसेकि हुन्छिन्,
हजार भन्दा बढी होलान्, यस्ता उदाहरण ……
म मेरि सासु आमालाई सम्मान गर्छु तर मेरी आमाको ठाऊँ म दिन सक्दिन।
म मेरि जन्म दिने आमा सँग अँगालो हालेर रुन सक्छु, सासुआमा सँग सक्दिन
म मेरि जन्म दिने आमा सँग दिल खोलेर कुरा गर्न सक्छु, हाँस्न सक्छु, जिस्किन सक्छु , सासु आमा सँग सक्दिन त्यसैले गल्ति हुदा माफि दिने आमा मात्र हुन अरुले त मौका पाय बद्ला लियर छाड्छन !
त्यसैले,
आमा : आमा हुन।
१० धारा दुधको मूल्य अरु सँग हुनै सक्दैन
