राम बहादुर रोकाहा ,स्याङ्जा

स्याङ्जाको वालिङ् नगरपालिकामा एक महिलाको कङ्काल फेला परेको छ । वालिङ् नगरपालिका वडा नं. ११ ज्वाङखोला स्थित खोल्सामा शुक्रबार बिहान अन्दाजी १०:४० बजेको समयमा स्थानीयहरुले निज महिलाको कङ्काल मात्र फेला पारी प्रहरीलाई जानकारी गराएको जिल्ला प्रहरी कार्यालय स्याङ्जाले जनाएको छ । खोल्सामा रहेको पानी ट्याङ्की सफा गर्न जाने क्रममा स्थानीयहरुले वालिङ् नगरपालिका-११ सतिबन बस्ने ४८ वर्षीय देवि नामले चिनिने हिमा कुमारी पौडेलको कङ्काल फेला पारेको खबर पश्चात् प्रहरी अधिकृत सहितको टोलि गई निज महिलालाई लगाएको कपडाबाट पहिचान गरेको जिल्ला प्रहरी कार्यालय स्याङ्जाका प्रवक्ता एवं सूचना अधिकारी प्रहरी नायब उपरीक्षक राजेन्द्रप्रसाद अधिकारीले जानकारी दिनुभयो । गत १७ गतेदेखि हराएकी पौडेलको ४ दिनपछि कङ्काल मात्र फेला परेको तर पोस्टमार्टम गर्न नमिल्ने अवस्थामा रहेकोले कङ्काल आफन्तलाई बुझाएको डिएसपी अधिकारीले बताउनुभयो ।