पोखरालाई नेपालको पर्यटकीय राजधानी घोषणा नेपाल सरकारका प्रधानमन्त्री पुष्पकमल दाहाल ‘प्रचण्ड’ले घोषणा गरेका छन्।
प्रधानमन्त्रीले पर्यटन राजधानीको लोगो सार्वजनिक तथा स्मृति स्तम्भ अनावरण गरेका थिए । ‘प्राकृतिक, सांस्कृतिक तथा साहसिक क्षेत्रको अद्वितीय संगम पोखरालाई नेपालको पर्यटन राजधानी घोषणा गर्दछु,’ प्रधानमन्त्री दाहालले भने। पर्यटकीय राजधानी पोखराको विकासका लागि सरकारले प्राथमिकतापूर्वक आवश्यक सहयोग, समन्वय तथा सहकार्य गर्ने बताएका छन् ।
फेवाताल किनारको बाराहीघाटमा आयोजित कार्यक्रममा प्रधानमन्त्री दाहालले पोखरालाई ‘पर्यटनको राजधानी घोषणा’ गरेका हुन्।पोखरालाई पर्यटकीय राजधानी घोषणा गर्न आज आयोजित सभालाई सम्बोधन गर्दै प्रधानमन्त्री ‘प्रचण्ड’ले पोखरालाई अझ सुन्दर, सुरक्षित, हरियाली, व्यवस्थित र समुन्नत शहरको रूपमा विकास गर्न सरकारले उच्च प्राथमिकता दिने विश्वास दिलाए छ । उनले आगामी महिना आयोजन गर्न लागिएको लगानी सम्मेलनले समेत यस कार्यमा महत्त्वपूर्ण सहयोग पुर्याउने विश्वास व्यक्त गरे ।
सो सभालाई सम्बोधन गर्दै पोखरा महानगरका मेयर धनराज आचार्यले राजधानी घोषणाले आगामी दिनमा थप पूर्वाधार बनाउन दबाब पुग्ने र त्यसको लाभ पोखराले पाउने बताए।
साथै सांगीतिक कार्यक्रम तर्फ वरिष्ठ गायीका प्राज्ञ हरिदेवी कोइराला, कन्दरा ब्यान्ड मुख्यगायक (भोक लिस्ट) विवेक श्रेष्ठ, “म विना कसै कसैलाई मुस्किल छ पोखरामा” गायक प्रमोद खरेल , गायक प्रकाश सपुत , पोखरेली गायक धर्मेन्द्र सेवान , गण्डकी प्रज्ञा प्रतिष्ठान : पोखरा प्रज्ञा प्रतिष्ठानका कालाकार हरूको पनि प्रस्तुति रहेको थियो।
