परोह नगरपालिका-९ रामपुर खाप स्थित शिवम् मनि ट्रान्सफरका सञ्चालक २२ वर्षीय नितेश साह माथी चैत २ गते तीन जना भारतीय युवाहरुकाे समूहले गाेली प्रहार गरेकाे हो ।

भारतिय युवाहरूको समुहको गाेली प्रहारबाट पीडित साह गम्भीर घाइते भएका छन् । घाइते साहलाई उपचारकाे लागि तत्काल राैतहटकाे गाैर स्थित प्रादेशिक  अस्पतालमा लगिएपिन थप उपचारकाे लागि वीरगंजको नारायणी अस्पतालमा रेफर गरिएको जिल्ला प्रहरी कार्यालयका एसपी महेन्द्र कुमार श्रेष्ठले जानकारी दिनु भयाे ।

साथै, घटनामा स‌ंलग्न भारतको बिहार राज्य मोतिहारी पूर्वी चम्पारन निवासी १८ वर्षीय मनिसकुमार यादव, १९ वर्षीय राजकुमार  पासवान र १७ वर्षीय चन्द्रमान सिंहलगायत तीन जना युवाहरुलाई साेही दिन रामपुर खापका स्थानीय, सशस्त्र प्रहरी बल र रामपुर खाप प्रहरी चौकीका प्रहरीले नियन्त्रणमा लिइ जिल्ला प्रहरी कार्यालय गौरमा जिम्मा लगाएकाे छ र जिल्ला प्रहरी कार्यालयले घटना बारे थप अनुसन्धान गरिरहेको एसपी श्रेष्ठले  बताउनु भयाे ।