गत फागुन ३० गते दाङ घोराहीस्थित बुद्ध इन्टरनेसनल अस्पतालमा उपचारको क्रममा बिरामीको मृत्यु भएको घटनालाई लिएर अस्पताल परिसर भित्र हुल हुज्जत गर्दै, अस्पतालमा तोडफोड गरी क्षति पुर्याएको घटनामा संलग्नलाई कारबाही गर्न नेपाल चिकित्सक संघले माग गरेको छ । उपचारको क्रममा भएको मृत्युलाई लापरबाही भनी अस्वाभाविक आरोप लगाई स्वास्थ्य संस्था नै तोडफोड गर्ने जस्ता आपराधिक कार्य गरेकोप्रति यस संघले घोर भर्त्सना गरेको हो ।
उपचारको क्रममा ९ वर्षीय बालकको मृत्यु भएकोमा दुःख व्यक्त गर्दै उपचारको दौरानमा कुनै त्रुटि भएको शङ्का लागेमा कानुनी प्रक्रियामा जाने व्यवस्था भएको संघले जनाएको हो । यदि चिकित्सकीय उपचारमा त्रुटि भएको महसुस भएमा नेपाल मेडिकल काउन्सिल मार्फत अनुसन्धान गर्न गराउन विज्ञप्तिमा अनुरोध समेत गरिएको छ ।
