मेष-
विद्या र बौद्धिक क्षेत्रमा सफलता मिल्नेछ। आकस्मिक धन लाभ हुनेछ। अन्न प्राप्तिको योग पनि छ। केही खर्च भए पनि दान, पुण्य र भेटघाटमा खर्च हुनाले गर्दा मनमा सन्तोष हुनुका साथै मानसिक सन्तुष्टि मिल्ने दिन छ। सन्तानबाट सन्तोष प्राप्त हुनेछ। साथीहरूसित मनोरञ्जन गर्ने अवसर जुर्नेछ।
वृष-
अप्ठ्यारा चुनौतीहरूलाई पन्छाउन सकिनेछ। आर्थिक पक्ष सबल बन्नेछ। उद्योग, कलकारखानामा लगानी गर्दा फाइदा हुने देखिन्छ। नचिताएको काममा पैसा भने खर्च हुने योग छ, सावधान रहनुहोला। गरेका कामबाट राम्रै लाभ हुनेछ। श्रमको उचित मूल्यांकन होला। व्यापारमा सफलता पाइएला।
मिथुन-
जग्गाजमिनको कारोबार राम्रो हुने संकेत छ। सामाजिक क्षेत्र र नोकरीबाट मानसम्मान मिल्नेछ। आज पढाइलेखाइमा राम्रो हुनेछ, सोचेका काम सजिलैसँग पूरा गर्न सकिनेछ। टाढाको यात्रा हुन सक्छ। दैनिक कार्यमा ढिलासुस्ती वा अल्झन बेहोर्नुपर्ला। धार्मिक यात्रामा सहभागी हुने अवसर मिल्ला।
कर्कट-
लेखन, प्रकाशन र ज्ञानगुनका क्षेत्रमा सक्रियता बढ्ने छ। पारिवारिक जीवन सामान्य रहने छ। रोकिएका अधुरा कामहरू पूरा हुने छन् भने समस्याको हल हुनेछ। गरेका कार्यहरू हतपत नबन्ने, बनिहाले पनि मिहिनेतअनुसार फल नपाइने योग छ। सानातिना काम र घरेलु समस्यामै अल्झनुपर्ने देखिन्छ।
सिंह-
कुनै लाभदायक समाचार सुन्न पाइएला। साथीभाइसित अचानक भेटघाट हुने र आकस्मिक लाभ मिल्ने समय छ। खर्च धेरै बढ्ने छ। सोचेअनुरूप काम नहुने र दिएको पैसा पनि फिर्ता नहुने योग छ। स्वास्थ्यमा ठूलै समस्या आउला। उपचारका लागि धेरै खर्च हुनेछ।
कन्या-
सवारी साधनबाट सुख मिल्नेछ। लामो समयदेखि रोकिएका काम बन्दै जानेछन्। धन प्राप्ति होला। मिहिनेतले पुरस्कार तथा विभिन्न उपहार दिलाउन सक्छ। साथीभाइका साथ रमाइलो यात्रा गर्ने अवसर प्राप्त हुनेछ। अतिथिका रूपमा सम्मानसमेत प्राप्त होला। सामाजिक कामबाट प्रशंसा पाइने छ।
तुला-
मित्रजनबाट सहयोगका साथै सुख मिल्नेछ। नोकरीमा प्रशंसनीय कार्य गरिनेछ। आज तपाईंले नसोचेको ठाउँबाट धन आर्जन गर्न सक्नु हुनेछ। साथीभाइले हरक्षण साथ दिने छन् भने मातापिताको आशिर्वाद प्राप्त होला। रोकिएका काम सम्पादन हुने र नयाँ काम पाइने योग छ। मान-सम्मान र प्रतिष्ठा बढ्नेछ।
वृश्चिक-
सवारी साधन हाँक्दा सचेत रहनु होला। घरमा पाहुनाले सताउलान्। धेरै समय सानातिना घरेलु काममै अल्झनुपर्ला। चिताएको काममा बाधा हुँदा मन खिन्न हुनेछ। कहीं कसैसँग झैझगडा हुन सक्छ। कामको बोझले थाकेको महशुस होला। घर-गृहस्थीमा समस्या आउन सक्छ।
धनु-
बालबच्चाबाट सन्तोष प्राप्त हुनेछ। धार्मिक स्थलको भ्रमण हुन सक्छ। प्रक्रिया नमिल्नाले काम दोहोर्याउनुपर्ने स्थिति आउन सक्छ। हिस्सेदारसँग असमझदारी बढ्नाले पहिलेको सम्झौता भंग हुन सक्छ। अनावश्यक साइनो गाँस्नेहरूसँग सावधान रहनुहोला। पहिलेका कमजोरीलाई सुधार गर्न सकिनेछ।
मकर-
नयाँ ठाउँमा लगानी गर्ने वातावरण बन्नेछ। स्वास्थ्यमा समस्या हुन सक्छ। नसोचेका समस्या देखिन सक्छन्। लेनदेनको विवादले अप्ठ्यारो पर्न सक्छ। साथीभाइको सहयोग जुटाउन प्रयत्न गर्नुहोला। दिन सामान्य नै छ। सभासम्मेलनमा सहभागी हुने अवसर मिल्नेछ। स्वास्थ्यमा खर्च बढ्नेछ।
कुम्भ-
सुखद समाचार सुन्न पाइनेछ। विविध लाभ पनि होला। विभिन्न उपहार प्राप्त हुने समय छ। सहयोगीहरूले राम्रो साथ दिनेछन्। रोकिएका काम बन्ने र नयाँ काम शुरु गर्ने समय छ। उद्योग र व्यापारमा विशेष फाइदा हुनेछ। नयाँ काममा हात हाल्ने समय छ। धार्मिक र सामाजिक काममा समय बित्नेछ।
मीन-
शरीरमा आलस्य जाग्नेछ। काम गर्न जाँगर लाग्ने छैन। प्रतिफल प्राप्त नहुने क्षेत्रमा लगानी हुन सक्छ। पढाइलेखाइमा समय दिन नसकिएला। सवारी चलाउँदा सावधानी अपनाउनुहोला। भीडमा धनमाल हराउन सक्छ। नयाँ काममा हात हाल्न केही समय पर्खनुहोला। गरिआएको कामलाई निरन्तरता दिनु होला।
