वालिङ महोत्सवको दिन नजिकिदै गर्दा मुल आयोजक समिति र उपसमितिका वैठकहरू सम्पन्न भइसकेका छन् । महोत्सवलाई भव्य र सभ्य वनाउन वालिङका १४ वटै वडाका आमा समूह, जातीय भेषभुषा, झाँकी लगायत वालिङ बजारको सजावटका लागि छुट्टाछुट्टै वैठकहरू मार्फत तयारी भईरहेको वालिङ उद्योग वाणिज्य संघका अध्यक्ष चेतनारायण श्रेष्ठले जानकारी दिए ।

         महोत्सवको स्थलमा घेरावार, स्टल निर्माणको काम सुरू भईसकेको वरिष्ठ उपाध्यक्ष अनुपमा तिवारीले जानकारी दिईन । महोत्सव विगतको भन्दा पृथक वनाउन लागेको उनको भनाई छ । महोत्सवमा स्थानीय उत्पादनको वजारीकरण र प्रवर्द्धन, कृषि उत्पादन, महिला उद्यमीद्वारा तयार गरीएका हस्तकला, आधुनिक कृषि ओैजार लगायतमा वस्तुहरू प्रर्दशनीमा राखिने तिवारीले जानकारी दिईन ।

शारीरिक रुपमा अशक्त भएका भिन्न क्षमता भएका व्याक्तिहरुलाई मध्यनजर गरेर अपाङ्गता मैत्री स्टेज बनाउने तयारीमा जुटेको वालिङ उद्योग वाणिज्य संघका सचिव एवं महोत्सव प्रचारप्रसार समितिका संयोजक पिताम्बर खनाल(सुसिलले) जानकारी दिए ।

       महोत्सव आवलोकनका लागि आउने दर्शकहरुलाई सहज रुपमा अवलोकन गर्न मिल्लनेगरी छुट्टाछुट्टै बस्ने व्यवस्था मिलाइने भएको छ । विद्यार्थी र शिक्षकलाई विद्यालयको पालो अनुसार निश्चित स्थानमा बसेर सहजरुपमा महोत्सवको अवलोकन गर्न मिल्लने गरि कार्य अगाडी बढाइएको छ ।

वालिङ महोत्सवमा प्रदर्शन गरिने स्याङ्जा डान्स आइडल सिजन ३ को पहिलो अडिशनको कार्य सुरू भईसकेको वालिङ उद्योग वाणिज्य संघका उपाध्यक्ष खगेन्द्र अर्यालले जानकारी दिए । जिल्लाका विभिन्न विद्यालयहरूमा पुगेर डान्स आइडल छनौट गरिएको उनले जानकारी दिए ।

महोत्सव विगतको भन्दा पृथक र वालिङको व्यापार व्यवसाय र आसपासका पर्यटकीय सम्भावना भएको क्षेत्रको उजागर र विकासमा समेत टेवा पुग्नेगरि सन्चालन गर्ने तयारी गरिरहेको वालिङ उद्योग वाणिज्य संघका महासचिव रमेश अर्यालले वताए