अजय क्षेत्री
पोखरा २४ कास्कीकोट काउलेमा माघ ५ गते बाल प्रतिभा बोर्डिङ स्कुलको बसले ठक्कर दिदा कास्कीकोट काउले निवासी तेज बहादुर कार्कीका वर्ष ३ का नाबालक छोरा समीर कार्कीलाई घरतर्फ छोड्ने क्रममा दिनको ३ बजेतिर ग १ क ४०८२ नं को बसले ठक्कर दिई उपचारको क्रममा मेट्रोसिटी हस्पिटलमा निधन भएको थियो ।
उक्त स्कुल संचालक तथा प्रिन्सिपल आत्म बहादुर थापा स्वयम् बस चालक समेत रहेका र चालक अनुमतिपत्र नहुनुका साथै बसमा सहयोगी बिना विद्यार्थीलाई लाने ल्याउने गरेको प्रती नेपाल विद्यार्थी संघको गम्भीर ध्यानआकर्षण भएको छ ।
उक्त घटनालाई ढाकछोप गर्न देखावटी चालक खडा गरी आफू उम्कन खोज्ने संचालक (प्रिन्सिपल) आत्म बहादुर थापालाई उचित छानबिन गरि कानुन वमोजिम हदैसम्मको कारवाहिको माग सहित शोकाकुल परिवार प्रती नेपाल विद्यार्थी संघले उचित क्षतिपूर्ती को माग गर्दै ताला समेत लगाएको छ साथै पिडित परिवारको माग पूरा नभएसम्म ताला नखोल्ने पनि नेपाल बिद्यार्थी संघका केन्द्रीय सदस्य महादेव गिरिले जानकारी दिनुभयो !
