तमुहरु (गुरुङ) को मौलिक पर्व तथा राष्ट्रिय पर्व तमु ल्होसार तमु समाज युएई र तमु प्ये ल्हु संघ युएईले जनवरी ०७ तारिख संयुक्तरूपमा “मुप्री ल्हो तमु ल्होसार कार्यक्रम २०८०” मुप्री ल्होसारका प्रमुख संयोजक मुक्ति टु क्लेप्री तमुको सभापतित्व र नेपाल राजदुतावास युएईका महामहिम राजदुत तेज बहादुर क्षेत्रीको प्रमुख आतिथ्यतामा भव्यता साथ मनाएको छ।
कार्यक्रममा नेपाल आदिवासी जनजाति महासंघ युएईका अध्यक्ष बिक्रम पन्दाक लिन्बु,ग्लोबल एनआरएनए एनसिसि का अध्यक्ष एवम् नेपाल आदिवासी जनजाति महासंघ (नेफिन) युएईका प्रमुख संरक्षक पासाङ शेर्पाको बिशेष आतिथ्यतामा र नेपाल आदिवासी जनजाति महासंघ (नेफिन) युएईमा आबद्ध जातिय संस्था, जिल्लागत संघ सस्थाका अध्यक्ष ,प्रतिनिधि, बुद्धिजीवी तथा समाजसेवीहरुको आतिथ्यता रहेको थियो ।
औपचारिक कार्यक्रम तमु समाज युएईका महासचिव एवम् नेपाल आदिवासी जनजाति महासंघ युएईका उपाध्यक्ष राजु मिलु तमु ज्यु र तमु प्ये ल्हु संघ युएईका बिष्णु तमुस्योले संचालन गर्नुभएको थियो भने अनौपचारिक तथा सांस्कृतिक कार्यक्रम तमु समाज युएईका सल्लाहकार शिव जङ्ग तमु र सल्लाहकार ईन्द्र तमुले संचालन गर्नु भएको थियो ।
कार्यक्रम उद्घाटन कार्यक्रमका सभापति मुक्ति टु क्लेप्री तमु , प्रमुख अतिथि महामहिम राजदुत तेज बहादुर क्षेत्री, बिशेष अतिथि तथा अतिथिहरु द्वारा पानसमा दीप प्रज्वलन गरि कार्यक्रम समुद्घान गर्नु भएको थियो । कार्यक्रममा स्वागत मन्तव्य तमु समाज युएईका अध्यक्ष नन्दजङ्ग तमुले राख्नु भएको थियो भने शुभकामना मन्तव्य ग्लोबल एन आरएनएका अध्यक्ष पासाङ शेर्पा र प्रमुख अतिथि महामहिम राजदुत तेज बहादुर क्षेत्रीले राख्नु भएको थियो ।
हि-ल्हो (बिरालो वर्ग) लाई बिदाइ मुप्री ल्हो (गिद्ध वर्ग) लाई स्वागत गर्दै तमु जातिको मौलिक पहिचान दिने गरि बिशेष सांस्कृतिक झांकी कार्यक्रम प्रस्तुत गरिएको थियो भने कार्यक्रममा अतिथि कलाकार गायक चिज गुरुङ र गायिका जालुमाया गुरुङको प्रस्तुतिको साथमा स्थानिय कलाकारहरुको बेजोड प्रस्तुती रहेको थियो ।
कार्यक्रमको अन्त्यमा कार्यक्रम लाई भव्य र सभ्य रुपमा सम्पन्न गराउन प्रायोजन गर्नु हुने प्रायोजकहरु लाई मायाको चिनो प्रदान गरिएको थियो भने कार्यक्रमका सभापति मुक्ति टु क्लेप्री तमुले कार्यक्रममा उपस्थित आमन्त्रित प्रमुख अतिथि ,बिशेष अतिथि,अतिथि,उपस्थित संघ संस्थाका प्रमुख ,प्रतिनिधि,युएईबासी तमु तथा गैर तमु महानुभाव , बुद्धिजीवी,समाजसेवी शुभचिन्तकहरु सम्पुर्ण लाई गरिमामय उपस्थितको निम्ति साथ र सहयोग गरि तमु ल्होसार (मुप्री ल्हो) कार्यक्रम लाई भब्य र सभ्य रुपमा सफल पारी दिनु भएकोमा हार्दिक धन्यवाद तथा हार्दिक आभार एवम् कृतज्ञता व्यक्त गर्नु हुँदै कार्यक्रम समापन गर्नु भएको थियो ।
