नेपालि  काग्रेश  रामेछाप जिल्ला को नेता स्व. राज नारायण श्रेष्ठ को  ५० वर्षको उमेरमा हृदयाघातबाट मङ्गलवार राती काठमाडौँमा निधन भएको हो । श्रेष्ठ आफैले सञ्चालन गर्दै आएको होटेलमा रहेको बेला मङ्गलवार राती करिब ८ः३० बजे हृदयाघात भएको र उपचारको लागि किस्ट मेडिकल कलेज तथा शिक्षण अस्पताल लगिएको भए पनि बचाउन नसकिएको नेपाली काँग्रेस रामेछाप प्रदेश सभा (ख) का सभापति राजेश कुमार श्रेष्ठले बताउनुभयो । श्रेष्ठको अन्तिम दाहसंस्कार आज  पशुपतिमा  गरियको  प्रदेश सभापति श्रेष्ठले बताउनुभयो । नेपाल विद्यार्थी सङ्घबाट काँग्रेसको राजनीतिमा प्रवेश गर्नुभएका श्रेष्ठ दुई पटक नेपाली काँग्रेस जिल्ला कार्य समिति रामेछापको सदस्यमा निर्वाचित हुनुभएको थियो । नेपाली काँग्रेस रामेछापको १४औँ जिल्ला अधिवेशनमा महाधिवेशन प्रतिनिधिमा चुनाव लड्नुभएका श्रेष्ठ गएको स्थानीय तहको निर्वाचनमा नेपाली काँग्रेसबाटै खाँडादेवी गाउँपालिका–५ को वडा अध्यक्षमा पराजित हुनुभएको थियो । २०५६÷०५७ साल देखि नै होटेल व्यवसायमा लागेका श्रेष्ठ फास्ट फुड एसोसिएसन नेपालको पूर्व महासचिव एवं वर्तमान सल्लाहकार समेत रहनुभएको थियो

अन्तेष्टीमा आज पशुपति आर्यघाट पुगेर नेपाली कांग्रेसका सभापति शेर ब. देउवा, महामन्त्री द्धोय गगन थापा , विश्वप्रकाश शर्मा , पुर्व उपसभापति गोपालमान श्रेष्ठ , पुर्व महामन्त्री डा. सशांक कोइराला , केन्द्रीय सदस्यहरु प्रदिप पौडेल , मीन विश्वकर्मा , नानू बास्तोला लगाएतले पार्टीको झण्डा ओडाएर अन्तिम श्रद्धाञ्जली व्यक्त गर्नुभयो । नेकपा एमाले , माओवादि केन्द्र लगाएत दलका जिल्ला तहका शिर्ष नेताहरु एवं रामेछापका असंख्यौ जनमानसले अश्रु सहित अन्तिम बिदाइमा सहभागी हुनुभयो ।