हुनेले दिएर जाउँ !
नहुनेले लिएर सदुपयोग गरौं !!
भन्ने मुल नारालाई आत्मासाथ गर्दै लेखनाथ क्लब पोखरा महानगरपालिका २६/२७ घरेलुचौर कास्कीले जाडोको कपडा संकलन तथा निशुल्क वितरण कार्य एक अौपचारिक कार्यक्रमको आयोजना गरि आजबाट शुरु गरेको छ।अर्घौं चौकमा आयोजना गरिएको कार्यक्रममा बृस्तृत जानकारी सहित स्वागत क्लबका अध्यक्ष बालगोपाल श्रेष्ठले गर्नु भएको थियो। बिभिन्न सामाजिक ब्यक्तित्वहरुबाट आर्थिक सहयोग पनि प्राप्त भएको र यो कार्य एक हप्त निरन्तर चलि रहने जानकारी गराउनु भयो।
लेखनाथ क्लब पोखरा महानगरपालिका २६/२७ घरेलुचौर कास्कीका अध्यक्ष बाल गोपाल श्रेष्ठको अध्यक्षतामा भएको कार्यक्रमका प्रमुख अतिथि पो म न पा वडा नं २७ का अध्यक्ष पुर्ण कुमार गुरुङले ब्यानरमा हस्ताक्षर र कपडा बितरण गरेर उद्घघाटन गर्नु भएको थियो।अध्यक्ष गुरुङले खुशी ब्यक्त गर्दै क्लबलाई तत्काल वडाको सामाजिक विकास कोषबाट रु २५०००/-( पच्चिस हजार) उपलब्ध गराउने र हाम्रो समाजमा एउटा ब्यक्तिले लगाएको कपडा अर्को ब्यक्तिले लगाउन हुँदैन भन्ने संकुचित भावनाबाट पनि मुक्त हुनु पर्दछ भन्नु भयो।
कार्यक्रममा नेपाल गृह श्रमिक संघ पोखरा नगर समितिका अध्यक्ष माया लमिछाने सापकोटा, क्लबका सल्लाहकार प्रकाश लाल श्रेष्ठ, लेखनाथ उधौग बाणिज्य संघका बरिष्ठ उपाध्यक्ष राजेन्द्र ओझा र वडा नं २६ का वडा सदस्य तिर्थ राजभाटले शुभकामना मन्तब्य दिनु भयको थियो ।
