भद्रपुर नगरपालिका-१ चमेली बस्तीकी ३५ वर्षीया जुनिता लिम्बूको हत्यापछि ३६ वर्षीय पति सुभाष लिम्बूले झुण्डिएर आत्महत्या गरेको प्रहरीले जनाएको छ । घरायसी विवादका क्रममा ०८० मङ्सिर ७ गते विहानका राति पत्नीको कुटपिट गरी हत्या गरेर सुभाषले पत्नीको फोटो र सुसाइड नोट एकै ठाँउमा राखी झुण्डिएर आत्महत्या गरेको जिल्ला प्रहरी कार्यालयका डिएसपी खगेन्द्रप्रसाद रिजालले बताउनु भयो ।

पति पत्नीबिच घरायसी विषयमा विवाद भएको र मृतक सुभाषका दाजुले मङ्सिर ६ गते अबेर रातिसम्म सम्झाई बुझाइ घरगएपछि पत्नीको हत्यापछि आत्महत्या गरेको हुन सक्ने स्थानीयले बताएका छन् ।
स्थानीयले दुवै जनाको लास देखेपछि सीमा प्रहरी चौकी पृथ्वीनगरलाई खबर गरेका थिए । शव पोष्टमार्टमका लागि प्रादेशिक अस्पताल, भद्रपुर पठाएर प्रहरीले घटनाको अनुसन्धान सुरू गरेको छ ।