आज बिहिबारदेखि देशभरका सबै सरकारी कार्यालय अपरान्ह ४ बजे बन्द हुने भएका छन्।
सरकारको राजपत्रमा प्रकाशित गरेको सूचनानुसार कात्तिक १६ अर्थात् आज बिहिबारदेखि माघ १५ गतेसम्म देश भर सबै सरकारी कार्यालय बिहान १० बजेदेखि अपरान्ह ४ बजेसम्म मात्रै खुल्ने भएका छन्।
यो अवधि भित्र शुक्रबारको दिन भने ३ बजे नै कार्यालय बन्द हुने गृह मन्त्रालयले जनाएको छ। जाडो समयमा दिन छोटो हुने भएकाले हरेक वर्ष तीन महिना कार्यालय समय एक घण्टा घटाउने गरिएको छ।
गृह मन्त्रालयका अनुसार सरकारी कार्यालयहरू वैशाख १ गतेदेखि कात्तिक १५ गतेसम्म र माघ १६ गतेदेखि चैत मसान्तसम्म बिहान १० बजेदेखि अपरान्ह ५ बजेसम्म संचालन हुने जनाइएको छ ।
