पत्रकार हरिप्रसाद रिजालको ४३ वर्षको अल्पायुमै हृदयघातका कारण असामयिक निधन भएको छ । नेपाल पत्रकार महासंघ काठमाडौं शाखाका सदस्य पत्रकार रिजालको आज शुक्रबार बिहान २ः०० बजे ह्दयघातका कारण काठमाठौंमा निधन भएको हो । स्वर्गीय रिजाल आर्थिक राष्ट्रिय दैनिकका संस्थापक सम्पादक अग्रज पत्रकार प्रल्हाद रिजालका सहोदर भाइसमेत हुनुहुन्थ्यो ।
धादिङको निलकण्ठ नगरपालिका–६ सुनौलो बजारमा जन्मेका रिजाल काठमाडौंमा रहि पत्रकारितामा सक्रिय हुनुहुन्थ्यो । पछिल्लो समय आर्थिक राष्ट्रिय दैनिकको सम्पादन समूहमा कार्यरत रहेका रिजालको निधनले नेपाली पत्रकारिता क्षेत्रले एक जुझारु र उर्जाशील युवा पत्रकार गुमाएको छ । स्वर्गीय रिजालका श्रीमती र एक छोरीे हुनुहुन्छ ।
महासंघका महासचिव रोसन पुरीले आज शाेक विज्ञप्ति जारी गर्दै स्वर्गीय पत्रकार रिजालप्रति हार्दिक श्रद्धाञ्जली अर्पण गर्दै दिवंगत आत्माको चिरशान्तिको कामना गर्दै शोकसन्तप्त परिवारजनमा धैर्यधारण गर्ने शक्ति प्राप्त होस भन्ने कामनासहित गहिरो समवेदना व्यक्त गर्नुभएकाे छ ।
