मेष: रमणीय, सुखद र धार्मिक यात्राको योग छ। प्रेम र मित्रताको बन्धन कसिनुका साथै दाम्पत्य सुखमा रमाउने समय छ। आर्थिक तथा व्यावसायिक समस्या समाधान हुनेछन्। विवेकले सफलता दिलाउनेछ।
वृष: लाभदायक यात्राको योग छ। सामाजिक सेवाबाट मान–प्रतिष्ठा बढ्नेछ। पारिवारिक भेटघाटमा रमाइनेछ। कार्य सम्पादन सहज हुनेछ, तर आहारविहारमा ध्यान दिनुहोला।
मिथुन: हेलचेक्र्याइँले काममा उल्टो परिणाम दिन सक्छ। कलहको योग भएकाले बोलीचालीमा सतर्कता अपनाउनुहोला। प्रतिस्पर्धी सक्रिय रहन सक्छन्।
कर्कट: लगानीमा रहेको रकम फिर्ता आउने सम्भावना छ। अध्ययन–अध्यापनको क्षेत्रमा प्रगतिको खबर सुन्न पाइनेछ। राजनीतिक कार्यमा सफलता मिल्नेछ। रोजगारको अवसर पनि देखिन्छ।
सिंह: महत्त्वपूर्ण कामको थालनी हुनेछ। अध्यात्म र दर्शनतर्फ आकर्षण बढ्नेछ। नसोचेको ठाउँबाट धनलाभको योग छ। रमणीय यात्राले मन प्रसन्न बनाउनेछ। कसैकसैका लागि सन्तान सुखको संकेत पनि छ।
कन्या: जटिल ठानिएका कामसमेत सम्पन्न हुन सक्छन्। महत्त्वपूर्ण जिम्मेवारी आउन सक्छ। रमणीय यात्राको योग छ। प्रेम सम्बन्धका लागि अनुकूल समय देखिन्छ।
तुला: शरीरमा स्फूर्ति कम रहनेछ। अविश्वासको वातावरण सिर्जना हुन सक्छ। स्वास्थ्यप्रति सजगता आवश्यक देखिन्छ। यात्रामा सामान हराउने सम्भावना छ। साँझतिर खर्च बढ्न सक्छ।
वृश्चिक: धैर्य र लगनशीलताले अवसर दिलाउनेछ। परीक्षा तथा प्रतिस्पर्धामा सफलता मिल्नेछ। जीवनसाथीको सल्लाहबाट गरिएको काम लाभदायक हुनेछ। एउटै कामबाट दोहोरो फाइदा लिन सकिनेछ।
धनु: राजनीतिक तथा न्यायिक क्षेत्रमा सफलता मिल्नेछ। घरमा अतिथिको आगमन हुनेछ। व्यापारबाट आम्दानी बढ्नेछ। विद्या र बुद्धिको विकास हुनेछ। प्रेम सम्बन्धमा आत्मीयता बढ्नेछ।
मकर: जोस, जाँगर बढ्नेछ। समयले साथ दिनेछ। महिला वा मित्रबाट सहयोग मिल्नेछ। टाढा रहेका व्यक्तिसँग सम्बन्ध सुमधुर बन्नेछ। कला, साहित्य र सङ्गीतप्रति रुचि बढ्नेछ।
कुम्भ: महत्त्वपूर्ण काममा व्यवधान आउन सक्छ। साथीसँग विवादको सम्भावना छ। आर्थिक कारोबारमा विवाद देखिए पनि यात्राको योजना बन्न सक्छ।
मीन: मनमा उत्साह र उमङ्ग रहनेछ। बोली बिक्ने समय छ। रमाइलो यात्राको योग छ। धार्मिक तथा सांस्कृतिक कार्यक्रममा सहभागिता बढ्नेछ। प्रेम सम्बन्धमा मधुरता कायम हुनेछ।
