मेष (चु, चे, चो, ला, लि, लु, ले, लो, अ)
सहयोगको आशा देखाउनेहरूबाट धोका हुन सक्छ। आफ्नो काम छोडेर अरूको लागि समय र बुद्धि खर्चनुपर्ने हुन सक्छ। बेसुरमा दिएको वचनले समस्या▓ी समस्या निम्त्याउन सक्छ। साइनो गाँस्नेहरूको भर पर्दा लक्ष्यमा पुग्न नसकिएला। सजग नभए शुभचिन्तकहरू टाढिन सक्छन्। अप्ठ्यारोमा साथ दिनेहरू कम भेटिन सक्छन्। प्रक्रिया नमिल्दा काम दोहोर्याउनुपर्ला।

वृष (इ, उ, ए, ओ, बा, बि, बु, बे, बो)
पहिलेको सफलताले उत्साह बढाउनेछ भने भविष्यका लागि विशेष कामको आधार तयार पार्ने अवसर छ। मेहनतले विभिन्न अवसरहरू प्राप्त हुनेछन् र राम्रो फाइदा लिन सकिनेछ। परिश्रमको फल प्राप्त हुनेछ। शत्रुहरू परास्त हुनेछन् र रोगबाट मुक्ति मिल्नेछ। विवाद वा मुद्दामा आफ्नो पक्ष बलियो रहनेछ। प्रतिस्पर्धीहरूलाई पछाडि पार्न सकिनेछ।

मिथुन (का, कि, कु, घ, ङ, छ, के, को, ह)
अवसर आए पनि नियमहरू पालना गर्न नसक्दा पछाडि परिनेछ। पढाइमा समय दिन नसकिएला। अरूको मुख ताक्ने बानीले काम अधुरो रहन सक्छ। कमजोरीमाथि टिप्पणी हुन सक्छ, त्यसैले बोली र व्यवहारमा सजग रहनुहोला। शुभचिन्तकहरूको भावना बुझ्ने प्रयास गर्नुहोस्। सोखले खर्च बढाउन सक्छ, जसले अर्थ अभाव निम्त्याउन सक्छ।

कर्कट (हि, हु, हे, हो, डा, डि, डु, डे, डो)
परिस्थिति अनुकूल हुँदा छोटो समयमै राम्रो फाइदा लिन सकिनेछ। भविष्यका लागि आधार तयार पार्ने समय छ। शुभचिन्तकहरूले हौसला दिनेछन्। नयाँ कामको प्रस्ताव आउनेछ र सहयोगीहरूले साथ दिनेछन्। बिछोडिएका आफन्तसँग भेट हुन सक्छ। पुराना कमजोरी सुधार्दै फाइदा लिन सकिनेछ। छोटो समयमै प्रतिफल प्राप्त हुनेछ।

सिंह (मा, मि, मु, मे, मो, टा, टि, टु, टे)
फजुल खर्च बढ्न सक्छ र होस नपुग्दा आर्थिक अभाव हुन सक्छ। समयको कमीले काम रोकिन सक्छ। लगानी बढाउनुपर्ने बाध्यता आउन सक्छ। आक्षेप लगाउनेहरू सक्रिय हुनेछन् भने सहयोगीहरू कम भेटिनेछन्। अरूको दबाबमा आफ्नो मान्यता विपरीत काम गर्नुपर्ने हुन सक्छ। आफन्तबाट टाढिनुपर्ने अवस्था आउन सक्छ।

कन्या (टो, प, पि, पु, ष, ण, ठ, पे, पो)
मिहिनेतले राम्रो नतिजा दिनेछ। प्रशंसनीय काम गरेर धन आर्जन गर्न सकिनेछ। भौतिक साधनहरू जुट्नेछन् र दिगो फाइदा हुने काम सुरु गर्न सकिनेछ। कृषि र पशुपालनमा लाभ हुनेछ। नयाँ आम्दानीका स्रोत फेला पर्नेछन्। पहिलेका कामबाट पनि प्रशस्त फाइदा हुनेछ। आयआर्जन बढ्ने र बकाया रकम प्राप्त हुने समय छ।

तुला (र, रि, रु, रे, रो, ता, ति, तु, ते)
मिहिनेतले जीवनशैलीमा परिवर्तन ल्याउनेछ। लगनशीलताले कीर्तिमानी काम गर्न सकिनेछ। सामाजिक क्षेत्रमा नेतृत्वको अवसर छ। व्यापारमा राम्रो फाइदा हुनेछ। प्रतिष्ठित काम गर्ने मौका मिल्नेछ। विशिष्ट व्यक्तिको सहयोग प्राप्त हुनेछ। अरूलाई प्रभावित पारी दाम, इनाम र प्रतिष्ठा कमाउने समय छ। राम्रो कर्मफलले मन प्रसन्न रहनेछ।

वृश्चिक (तो, ना, नि, नु, ने, नो, या, यि, यु)
परिस्थितिले फाइदा नहुने काममा अलमलिनुपर्ने हुन सक्छ। मेहनत गरे पनि अपेक्षित मूल्य नपाइएला। अरूको मुख ताक्दा पछाडि परिनेछ। आफ्ना कमजोरीको फाइदा अरूले लिन सक्छन्। नयाँ जिम्मेवारी आए पनि उपलब्धिका लागि समय कुर्नुपर्ला। अस्वस्थताले कामको बोझ बढाउन सक्छ। आफ्नो क्षेत्रमा कमजोर साबित हुन सकिनेछ।

धनु (ये, यो, भ, भि, भु, ध, फा, ढ, भे)
सामान्य कामका लागि धेरै दौडधुप गर्नुपर्ला। तत्काल फाइदा नहुने काममा जुट्नुपर्ने हुन सक्छ। परिबन्धले चुनौती निम्त्याउन सक्छ। ठूलो आशा राख्दा भएको कुरा पनि गुम्न सक्छ। अरूका कुरामा चासो लिँदा झमेला बेहोर्नुपर्ला। स्वास्थ्यका लागि व्यायाम र खानपानमा ध्यान दिनुहोस्। केही उपलब्धिका स्रोत भने पहिल्याउन सकिनेछ।

मकर (भो, ज, जि, खि, खु, खे, खो, गा, गि)
छोटो समयमै फाइदा लिन सकिनेछ। पढाइ, लेखन र मनोरञ्जनमा समय बित्नेछ। तर अधिकार खोज्ने प्रवृत्तिले समस्या निम्त्याउन सक्छ। शुभचिन्तकहरूको सद्भाव कायम राख्न सजग रहनुहोस्। पहिलेका कामबाट फाइदा भइरहनेछ। व्यापारमा सेवाग्राहीको मन जित्ने प्रयास गर्नुहोस्। प्रेम र मित्रताको सम्बन्ध बलियो हुनेछ।

कुम्भ (गु, गे, गो, सा, सि, सु, से, सो, द)
रकम र भौतिक साधन जुट्नाले दिन उत्साहपूर्ण रहनेछ। दिगो फाइदा हुने काम सुरु हुनेछ। परिस्थितिसँग सम्झौता गर्नुपरे पनि मेहनतले लक्ष्यमा पुग्न सकिनेछ। प्रतिस्पर्धामा जित हासिल गर्न सकिनेछ। बल र बुद्धिको प्रयोगले अधिकार र प्रतिष्ठा जोगाउन सकिनेछ। नयाँ योजना सुरु गर्ने उपयुक्त समय छ। फजुल खर्च भने बढ्न सक्छ।

मीन (दि, दु, थ, झ, ञ, दे, दो, च, चि)
छिटो फलको आकांक्षाले समस्या निम्त्याउन सक्छ। अरूका लागि समय र बुद्धि खर्चनुपर्ला। समयतालिका नमिल्दा योजनाहरू अधुरा रहन सक्छन्। हल्लाको पछि लाग्दा दुख पाइनेछ। आफ्ना कामबाट अरूले फाइदा लिन खोज्लान्। स्वास्थ्य र पढाइमा बाधा पुग्न सक्छ। समयको गति पछ्याउन प्रयास गर्नुहोस्।

प्रोटोन एजुकेसन