गायिका लताको आज बिहान ८:१२ निधन भएको भारतीय सञ्चारमाध्यमले जनाएका छन्। प्रेस ट्रस्ट अफ इन्डियाले उनकी बहिनी उसा मंगेशकरलाई उद्धृत गर्दै लताको निधन भएको जनाएको छ।
केही दिनअघि उनलाई कोरोनाभाइरसको संक्रमण भएको थियो। त्यसपछि मुम्बईको ब्रीच क्यान्डी अस्पताल भर्ना गरिएको थियो। ब्रीच अस्पतालमा उपचारका क्रममै उनको निधन भएको हो।
उनको २८ सेप्टेम्बर, १९२९ मा भारतको मध्यप्रदेशमा जन्म भएको थियो। उनका बुवा पण्डित दिनानाथ मंगेशकर मराठी संगीतकार थिए।
सानैदेखि संगीत क्षेत्रमा प्रवेश गरेकी लताले ३६ भाषामा गीत गाएकी छन्। उनले ३० हजारभन्दा बढी गीत गाएकी छन्। लताले नेपाली गीत पनि गाएकी थिइन्।
