पुम्दीकोटमा रहेको शिवको मूर्ति अवलोकन र पुजा गर्न भीड लागेको छ । पोखरा महानगरपालिका–२२ पुम्दीभुम्दीस्थित पुम्दीकोटमा रहेको महादेवको मूर्ति अवलोकन गर्न पछिल्लो समय आन्तरिक र वाह्य पर्यटक आउने क्रम बढ्दो छ ।

विशेषगरी हिन्दु भगवान शिवको पुजा आराधना गर्नेहरू यस ठाउँमा पुगेका छन् । पर्यटकहरू शिवको मूर्ति अगाडि उभिएर सेल्फी खिच्ने र भिडियो बनाउने पनि गर्छन्

५१ फिट अग्लो शिवको मूर्ति रहेको ठाउँ पुम्दीकोटबाट पोखरा बजार, विश्व शान्ति स्तुपा, सराङकोट, काहुँडाडा, हिमश्रृंखला, फेवाताल लगायतका दृश्य देख्न सकिन्छ । पछिल्लो समय धार्मिक पर्यटकीय गन्तव्य समेत बनेको यस ठाउँको प्रचारप्रसारलाई पनि तीव्र पारिएको छ ।